ބަނގުރާފުޅިތަކަކާއެކު ބ. އަތޮޅުން މީހަކު ހައްޔަރުކޮށްފި
14 އޯގަސްޓު 2023 | ހޯމަ 07:06ހައްޔަރުކުރީ 27 އަހަރުގެ ބިދޭސީ ފިރިހެނެއް
ފުލުހުން އަތުލައިގަތް ބަނގުރާފުޅިތައް
މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން ބ. އޭދަފުށީ ޕޮލިސް ސްޓޭޝަނުގައި މަސައްކަތްކުރާ ފުލުހުން ހިންގި އޮޕަރޭޝަނެއްގައި މީހަކު ހައްޔަރުކޮށްފިއެވެ.
ފުލުހުން ބުނީ އޮގަސްޓް މަހުގެ 11 ވަނަ ދުވަހު ހިންގި އެ އޮޕަރޭޝަނަކީ ބ. އަތޮޅު ފަޅުރަށެއްގައި ބަނގުރާ ގެންގުޅޭ ކަމަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއް ކަމަށެވެ. އެ އޮޕަރޭޝަނުގައި 27 އަހަރުގެ ބިދޭސީ ފިރިހެނެއް ހައްޔަރުކޮށް އޭނާ ދިރިއުޅޭ ތަން ބަލައިފާސްކުރިއިރު ތިން ފުޅި ބަނގުރާ ފެނިފައިވާ ކަމަށް ފުލުހުން ބުނެއެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް އޭދަފުށީ މެޖިސްޓްރޭޓް ކޯޓަށް ހާޒިރުކުރުމުން މިނިސްޓްރީ އޮފް ހޯމް އެފެއާޒުން ކަނޑައަޅާތަނެއްގައި ބަންދުގައި ބެހެއްޓުމަށް 15 ދުވަހުގެ މުއްދަތު ދީފައިވެއެވެ.
މި މައްސަލަ އޭދަފުށީ ޕޮލިސް ސްޓޭޝަނުން ގެންދަނީ ތަހުގީގު ކުރަމުންނެވެ.
