ޗެމްޕިއަން ފެނަކަ ކަޓައިިފި، އެފްއެސްއެމްއާއި އާރުއާރުސީ ސެމީއަށް

ޗެމްޕިއަން ފެނަކަ ކަޓާ, ޓީމް އެފްއެސްއެމްއާއި ރޯޑް ރެކްރިއޭޝަން ކްލަބް (އާރުއާރުސީ) ސެމީފައިނަލުން ޖާގަ ހޯދައިފިއެވެ.

ޗެމްޕިއަން ފެނަކަ ކަޓުވާލުމަށްފަހު ސެމީފައިނަލްގެ ޖާގަ ހޯދީ ޓީމް އެފްއެސްއެމް އެވެ. އެއީ ޕެނަލްޓީގައި 5-3 ން ކުރި ހޯދައިގެންނެވެ. މެޗުގެ ފުރިހަމަ ވަގުތު ހަމަވީ ދެޓީމް 1-1 ން އެއްވަރު ވެގެންނެވެ. ފުރަތަމަ ލަނޑު ޖަހާ ކުރި ހޯދީ ފެނަކައިންނެވެ. އެޓީމަށް ކުރިހޯދައިދިނީ ހުސައިން ނާޝިދުއެވެ. އެފްއެސްއެމްއަށް ނަތީޖާ ހަމަހަމަކޮށްދިނީ އަލީ އަލްސަންއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. ނަތީޖާ ނެރުމަށް އެފްއެސްއެމްއިން ޖެހި ހަތަރު ޕެނަލްޓީވެސް ކާމިޔާބުކުރިއެވެ. ފެނަކައަށް ކާމިޔާބުކުރެވުނީ ދެ ޕެނަލްޓީއެވެ.

އާރުއާރުސީ ސެމީން ޖާގަހޯދީ ކްއާޓާ ފައިނަލްގައި 5-1 ން އެސްޓީއޯ ރެކްރިއޭޝަން ކްލަބް ބަލިކޮށްގެންނެވެ. މެޗުގައި އާރުއާރުސީގެ ފަހު ދެ ލަނޑު ޖެހީ އަލީ ހާފިޒުއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. ފުރަތަމަ ދެ ލަނޑު ޖެހީ އަބުދުالله ޔާމީންއެވެ. ތިންވަނަ ލަނޑު ޖެހީ ހުސައިން ގައްސާންް ލަބީބުއެވެ. އެސްޓީއޯގެ ހަމައެކަނި ލަނޑު ޖެހީ މުހައްމަދު ފާސިރުއެވެ.