ކޭން، ބަޔާނަށް ވިއްކާލަން ޓޮޓެންހަމް އެއްބަސްވެއްޖެ، އަގަކީ 100 މިލިއަން ޔޫރޯ
ކޭންއަކީ ޓޮޓެމްހަމަށް އެންމެ ގިނަ ގޯލު ޖަހައިދިން ކުޅުންތެރިޔާ
ޓޮޓެންހަމުން ކުޅުނު މެޗުގެ ތެރެއިން
ކެޕްޓަން ހެރީކޭން ޖަރުމަނުގެ ބަޔާން މިއުނިކަށް ވިއްކާލަން ޓޮޓެންހަމުން އެންމެ ފަހުން އެއްބަސްވެއްޖެއެވެ.
އިނގިރޭސި ގައުމީ ކެޕްޓަން ވިއްކާލަން ޓޮޓެންހަމުން އެއްބަސްވީ 100 މިލިއަން ޔޫރޯއަށެވެ. އުމުރުން 30 އަހަރުގެ ކޭން ވިއްކާލަން ޓޮޓެންހަމް އެއްބަސްވީ، އޭނާ ވިއްކާނުލައިފިނަމަ ކުލަބަށް މާލީ މަންފާއެއްނެތި އަންނަ ސީޒަނުގައި ކޭން އެހެން ކުލަބަކަށް ހިނގައިދާނެކަމުގެ ބިރު ހީވުމުންނެވެ. ސަބަބަކީ އޭނާގެ ކޮންޓްރެކްޓް އަންނަ ހަފުތާގައި ފަށާ ސީޒަނަށްފަހު ހަމަވާތީއެވެ.
ކޭންއަކީ ޓޮޓެމްހަމުގެ ތާރީޚުގައި އެ ކުލަބަށް އެންމެ ގިނަ ގޯލު ޖަހައިދިން ކުޅުންތެރިޔާއެވެ. އޭނާ ވަނީ އެ ކުލަބަށް 280 ގޯލު ޖަހައިދީފައެވެ.
ޖަރުމަނުގެ އެންމެ ވަރުގަދަ ޓީމަށް ކޭން ވިއްކާލާއިރު، އޭނާ ވަނީ ޕްރެމިއާ ލީގުގައި 213 ގޯލު ޖަހައި، ތިން ފަހަރެއްގެ މަތިން ލީގުގެ ރަންބޫޓު ހާސިލްކޮށްފައެވެ. އަދި އޭނާއަކީ އިނގިރޭސި ގައުމީ ޓީމަށްވެސް އެންމެ ގިނަ ގޯލު ޖަހައިދިން ފޯވަޑެވެ. އެއީ 58 ގޯލެވެ. ވޯލްޑްކަޕް 2018ގެ ރަންބޫޓު ވެސް ހޯދި ކޭން، ޓޮޓެންހަމަށް ވިއްކާލާއިރު، އޭނާ ގަތުމަށް އިނގިރޭސި ކުލަބުތައް ކަމަށްވާ މެންޗެސްޓާ ސިޓީއާއި ޔުނައިޓެޑް އަދި ރެއާލް މެޑްރިޑް ކުރި މަސައްކަތް ކާމިޔާބުނުވީ ޓޮޓެންހަމުން އެއްބަސްވުމުންނެވެ.
