ގެމަނަފުށީ މަސްވެރިން ބާނާ މަސް ރަށަށް ކިރޭނެ ގޮތާއި ރައްކާކުރެވޭނެ ގޮތް ހައްދަވައިދެއްވާނެ ކަމަށް ރައީސް ވިދާޅުވެއްޖެ
9 އޯގަސްޓު 2023 | ބުދަ 17:36ސަރުކާރުގެ ސިޔާސަތު މިނެކިރުމަށްފަހު ގޮތް ނިންމުމަށް ރައީސް އެދިވަޑައިގެންނެވި
ރައީސް ސާލިހު ގެމަނަފުށީ ރައްޔިތުންނާ ބައްދަލުކުރައްވައި ވާހަކަފުޅުދައްކަވަނީ
ގެމަނަފުށީ މަސްވެރިން ބާނާ މަސް ރަށަށް ކިރޭނެ ގޮތާއި ރައްކާކުރެވޭނެ ގޮތް ހައްދަވައިދެއްވާނެ ކަމަށް، ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ވިދާޅުވެއްޖެއެވެ.
"އުފާވެރި އަމާން ރާއްޖެ" ކެމްޕޭނަށް ގއ. ގެމަނަފުއްޓަށް ވަޑައިގެން، ރައްޔިތުންނާއެކު ބޭއްވެވި ރޭގަނޑުގެ ފަރިއްކޮޅެއްގައި ވާހަކަފުޅުދައްކަވަމުން ރައީސް ވިދާޅުވީ، ކޮންމެ ރަށަކަށްވެސް ގެންނަވަން ބޭނުންފުޅުވާ ބަދަލުތަކެއް އެބަހުރި ކަމަށެވެ. ގެމަނަފުއްޓަށް ގެންނަވަން ބޭނުންފުޅުވާ ކަންކަން އެބަހުރި ކަމަށާއި، މި ކަންކަން ނިންމަވާފައިވަނީ ރައްޔިތުންނާއި ކައުންސިލާ މަޝްވަރާ ކުރައްވައިގެން ކަމަށް ރައީސް ވިދާޅުވިއެވެ.
ރައީސް ވިދާޅުވީ، ގެމަނަފުއްޓަށް ކޮށްދެއްވާނެކަމަށް ވައުދުުވެވަޑައިގެންނެވި ކަންކަން ކުރެއްވޭނީ ސިޔާސަތު ރާއްވަވައިގެން ނުކުންނަވާއިރު އަނެއްކާވެސް ވެރިކަމަށް ވަޑައިގެންނެވިގެން ކަމަށެވެ. މިދިޔަ 5 އަހަރު ސިޔާސަތު ތަންފީޒުކުރަމުން ގެންދެވި ގޮތާއި، މީގެ ކުރީ ސަރުކާރުތަކުން ސިޔާސަތުތައް ތަންފީޒުކުރަމުން ގެންދިޔަ ގޮތް ރައްޔިތުންނަށް އެނގޭނެކަމަށާއި، މި ކަންކަން މިނެކިރުމަށްފަހު ގޮތް ނިންމެވުމަށް ވަނީ އެދިވަޑައިގެންފައެވެ.
