ދެވަނަ ބުރުގައިވެސް ބުރު ބަލިކޮށް، ސަސް ދެވަނައަށް

ދެވަނަ ބުރުގައިވެސް ބުރު ސްޕޯރޓްސް ކްލަބް ބަލިކޮށް, ސުޕަރ ޔުނައިޓެޑް ސްޕޯރޓްސް (ސަސް)އިން ދިވެހި ޕްރިމިއަރ ލީގު ތާވަލްގެ ދެވަނައަށް ޖެހިލައިފިއެވެ.

ފުރަތަމަ ބުރުގައިވެސް ބުރު ބަލިކުރި ސަސްއިން ދެވަނަ ބުރުގައި ކުޅުނު ފުރަތަމަ މެޗުގައި ކުރިހޯދީ 2-0ންނެވެ. މެޗުގެ ފުރަތަމަ ހާފްގައި ސަސްއަށް ކުރިހޯދައިދިނީ އަލީ ނަސޫހު ރަޝީދެވެ. ދެވަނަ ހާފް ފަށައިގެން ފަސްވަނަ މިނިޓްގައި ދެވަނަ ލަނޑެއްޖަހައި ހިތްހަމަޖެހުން ހޯދައިދިނީވެސް ނަސޫހުއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. މިމޮޅާއެކު ސަސް ދެވަނައަށް ޖެހިލީ އަށް މެޗުން 18 ޕޮއިންޓް ހޯދައިގެންނެވެ, ދެވަނާގައި އީގަލްސް އޮތީ ހަތް މެޗުން 17 ޕޮއިންޓާއެކުއެވެ. އެއްވަނާގައި އޮތް މާޒިޔާއާ ސަސްއާ ދެމެދުވެސް އޮތީ ޕޮއިންޓެއްގެ ފަރަގެކެވެ. މި ހަފުތާގެ މެޗުތައް ނިމޭއިރު ސަސްއަށް ދެވަނަ ޔަގީންވަނީ, މިހަފުތާގައި މާޒިޔާއާއި އީގަލްސް ވާދަކުރަން އޮތް މެޗު ފަސްކުރުމުންނެވެ.

ލީގުގެ ކުޅުން ދެން އޮންނާނީ އަންނަ އާދިއްތަ ދުވަހު ހަވީރުއެވެ. ވާދަކުރާނީ މާޒިޔާއާއި ސަސްއެވެ. އެމެޗުން މޮޅުވެގެން އެއްވަނައަށް ޖެހިލުމުގެ ފުރުސަތުވެސް ސަސްއަށް އެބައޮތެވެ.