ވަގު ނޫޓު ބޭނުންކޮށްގެން ވިޔަފާރި ކުރި މީހަކު ހައްޔަރުކޮށް، ބަންދަށް 15 ދުވަސް ޖަހައިފި
4 އޯގަސްޓު 2023 | ހުކުރު 08:41މަކަރާއި ހީލަތް ހެދުމުގެ މައްސަލަތައް ވަރަށް ޚާއްސަ އިސްކަމެއް ދީގެން ފުލުހުން ދަނީ ބަލަމުން
ޝަހީދު ހުސެއިން އާދަމް ބިލްޑިން
ވަގު ނޫޓު ބޭނުންކޮށްގެން ވިޔަފާރި ކުރި މީހަކު ހައްޔަރުކޮށްފިއެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ އުމުރުން 40 އަހަރުގެ އައްޑޫ ސިޓީ ފޭދޫ އަށް ނިސްބަތްވާ މީހެކެވެ.
އޭނާ ހައްޔަރުކޮށް، އޭނާގެ ބަންދަށް ކްރިމިނަލް ކޯޓުން ބުރާސްފަތި ދުވަހު ވަނީ 15 ދުވަސް ޖަހައިފައެވެ.
އޭނާގެ މައްޗަށް ކައުންޓަރފީޓް ނޫޓު ބޭނުންކޮށްގެން ވިޔަފާރި ކުރުމާއި މަކަރާއި ހީލަތް ހެދުމުގެ ތުހުމަތު ވަނީ ކޮށްފައެވެ.
އޭނާ އަކީ ކުށުގެ ރެކޯޑް އޮތް މީހެކެވެ. އަދި އޭނާ އަކީ އެކި މައްސަލަތަކުގައި މީގެ ކުރިން ޖަލަށް ވެސް ލާފައިވާ މީހެކެވެ.
މަކަރާއި ހީލަތް ހެދުމުގެ މައްސަލަތައް ވަރަށް ޚާއްސަ އިސްކަމެއް ދީގެން ފުލުހުން ދަނީ ބަލަމުންނެވެ. އަދި މިފަދަ ކަންކަމާ މެދު ހޭލުންތެރިކަން އިތުރުކުރުމަށް ފުލުހުން ދަނީ މަސައްކަތްކުރަމުން ކަމަށް ފުލުހުން ބުނެއެވެ.
