ސްޓޭޑިއަމެއްގެ ފާރު ވެއްޓި ސެނެގާލްގައި 8 މީހުން މަރުވެއްޖެ

ސެނެގާލްގެ ފުޓްބޯޅަ ދަނޑެއްގެ ފާރުވެއްޓި އަށް މީހުން މަރުވެ މަދުވެގެން 49 މީހުން ޒަޚަމްވެއްޖެއެވެއެވެ.

މި ހާދިސާ ހިނގާފައިވަނީ ވެރިރަށް ޑެކާރްގެ ޑެމްބަރ ޑެމްބަ ޑިއޮޕް ސްޓޭޑިއަމްގައި ލީގްކަޕް ފައިނަލް ނިމުނުތަނުންނެވެ.

ވާދަވެރި ދެ ޓީމުގެ ސަޕޯޓަރުން ތަޅައިގަތުމުން ފުލުހުން ކަރުނަ ގޭސް ބޭނުން ކުރުމުން މީހުން ޕެނިކްވެ ފިތިބާރުވެގެން އެންމެ ފަހުން ފާރު ތަޅައިގެން ދިއައީއެވެ.

ބައެއް ސަޕޯޓަރުން ގެންދިޔައީ އެއްބަޔަކު އަނެއްބަޔަކަށް ޕްރޮޖެކްޓައިލްއާ ގައު އުކަމުންނެވެ.

ރައީސް މެކީ ސަލްގެ ތަރުޖަމާނު ވިދާޅުވީ ހާދިސާގައި ގެއްލުންވި ފަރާތްތަކަށް އިހުތިރާމް ކުރުމުގެ ގޮތުން ކުރިޔަށް އޮތް ރިޔާސީ އިންތިޚާބުގެ ކެމްޕެއިން އާދީއްތަ ދުވަހަށް މެދުކަނޑާލާފައިވާކަމަށާއި އަދި ކެމްޕެއިން ހަރަކާތް ހިންގައިފިނަމަ ހަރުކަށި ފިޔަވަޅު އަޅާނެ ކަމުގެ އިންޒާރުވަނީ ދީފައެވެ.