ރައީސް އާއި ސިޔާމް އެމްޑީއޭގެ ޕޮލިޓިކަލް ސެންޓަރު ހުޅުއްވައިދެއްވައިފި
30 ޖުލައި 2023 | އާދީއްތަ 13:40ރައީސް ވަނީ ސެންޓަރުގެ ދިދަ ނަންގަވައިދެއްވާފައި
އެމްޑީއޭގެ ޕޮލިޓިކަލް ސެންޓަރު ހުޅުވުން
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު އާއި އެމްޑީއޭގެ ރައީސް އަހްމަދު ސިޔާމް އެމްޑީއޭގެ ޕޮލިޓިކަލް ސެންޓަރު ހުޅުއްވައިދެއްވައިފިއެވެ.
ރައީސް އާއި ސިޔާމް މި ސެންޓަރު ހުޅުއްވައިދެއްވީ ރައީސް ފުވައްމުލަކަށް ކުރައްވަމުން ގެންދަވާ ކެމްޕޭން ދަތުރުފުޅުގެ ތެރެއިންނެވެ. ރައީސް ވަނީ މި ސެންޓަރުގައި ދިދަ ނަންގަވައިދެއްވާފައެވެ.
ރައީސް މި ސެންޓަރު ހުޅުއްވައިދެއްވާފައިވާއިރު އަދަލާތު ޕާޓީއާ އެމްޑީއޭއާއި އެމްޑީޕީ އެކުވުމުން, އިތުރު ބަޔަކަށް ކޯލިޝަން ހަދައިގެން، އެމީހުން ބަލިކުރެވޭނެ ކަމަށް ގަބޫލު ނުކުރައްވާ ކަމަށް އެޕާޓީގެ ނައިބު ލީޑަރު އަލީ މައުރޫފް ވަނީ ވިދާޅުވެފައެވެ.
މައުރޫފް ވިދާޅުވީ ރައީސް ސާލިހާ ވާދަކުރާނެ ކެންޑިޑޭޓެއް ނެތްކަމަށާއި، އެ ފެންވަރުގެ ކެންޑިޑޭޓެއް ވެސް ނެތް ކަމަށެވެ. ގިނަ ކޯލިޝަންތަކެއް ވުޖޫދުވިއިރު އެ ކޯލިޝަނުން ހޮވި ރައީސުންގެ ނާގާބިލުކަން ފެނުނުކަމަށް މައުރޫފް ވިދާޅުވިއެވެ.
ރައީސް ޞާލީހަކީ ގަޔާވާ ޝަޚުސިޔަތެއް ކަމަށާއި، އެއީ މަޑުމައިތިރި ބޭފުޅެއްކަމަށް މައުރޫފް ވިދާޅުވިއެވެ. 2018 ނިމުމުގެ ކުރިން ރައީސް އާއެކު ކޯލިޝަން ހެދިކަމަށް މައުރޫފް ވިދާޅުވިއެވެ. އެ އަހަރު ސިއްރު ބައްދަލުވުމެއް އެމްޑީއޭއިން ބާއްވައި، ރައީސާއެކު ތިބިކަމަށް އޭރުވެސް ދެންނެވި ކަމަށް މައުރޫފް ވިދާޅުވިއެވެ.
ރައީސް ކުރައްވާ މަސައްކަތުގައި ކުރިއަށް ދިޔުމަށް މައުރޫފް ވަނީ އެދިވަޑައިގެންފައެވެ. ރައީސްގެ ދެވަނަ ދައުރުގައި ރާއްޖޭގެ ދައުލަތުގެ ބަޖެޓް ދެގުނަ ކޮށްދޭނެ ކަމަށް މައުރޫފް ވިދާޅުވިއެވެ. ރައީސް ދެވަނަ ދައުރަކަށް ހޮވުމުގެ ބުންވަރު ކޯލިޝަނުގައި އެބަހުރި ކަމަށާއި، ރައީސް "ރިއެކްޓް" ނުކުރެއްވުމަށް މައުރޫފް ވިދާޅުވިއެވެ. އަދި ކޯލިޝަނުން ޑިފެންސަށް ކުޅެން ތިބިކަމަށް ވިދާޅުވިއެވެ.
