ޕްރީ ސީޒަން ފުރަތަމަ މެޗުގައި ބަޔާން އިން 27 ލަނޑު ޖަހައިފި
2019 ވަނަ އަހަރު ބަޔާން ވަނީ އެ ޓީމު ކައިރިން 23-0 ން މޮޅުވެފައި
ޕްރީ ސީޒަން މެޗުގެ ތެރެއިން
ޕްރީ ސީޒަން ފުރަތަމަ މެޗުގައި ބަޔާން މިޔުނިކުން ރޯޓަކް އީގަން 27-0 ން ބަލިކޮށްފިއެވެ.
13 ކުޅުންތެރިން ލަނޑު ޖެހިއިރު، ތިން ކުޅުންތެރިޔަކު ވަނީ ފަސް ލަނޑު ޖަހާފައެވެ. އެއީ ޒުވާން ތަރި ޖަމާލް މުސިއާލާ އާއި މެތިސް ޓެލް އަދި މާސެލް ސަބިޓްޒަރ އެވެ.
މިދިޔަ ސީޒަން މެންޗެސްޓަރ ޔުނައިޓެޑުގައި ހޭދަކުރި ސަބިޓްޒަރ ފަސް ލަނޑު ޖަހާފައިވަނީ ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން ނުކުމެއެވެ. މެޗުގެ ފުރަތަމަ ހާފުގައި ބަޔާން އިންވަނީ 18 ލަނޑު ޖަހާފައެވެ.
ސާޖް ގްނެބްރީ ހެޓްރިކް ހަދާފައިވާއިރު، އަލްފަންސޯ ޑޭވީސް، ކޮންރަޑް ލެއިމާ، އުޕަމެކާނޯ، ލެރޯއީ ސާނޭ، ރަފައެލް ގަރޭރޯ، ގްރެވެންބާޗް، ކިންގްސްލީ ކޯމަން، މަޒްރޫއީ އަދި ސަޑިއޯ މާނޭ ވެސް ވަނީ ލަނޑު ޖަހާފައެވެ.
ބަޔާން އިންވަނީ 2019 ވަނަ އަހަރުވެސް މި ޓީމާއެކު މެޗެއް ކުޅެފައެވެ. އެ މެޗުގައިވެސް ބަޔާން އިން ވަނީ 23 ލަނޑު ޖަހާފައެވެ.
