ރައީސުލްޖުމްހޫރިއްޔާ މ. އަދި ވ. އަތޮޅަށް ވަޑައިގަންނަވަނީ

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކެމްޕޭން ދަތުރުފުޅެއްގައި މ. އަދި ވ އަތޮޅަށް ވަޑައިގަންނަވަން ނިންމަވައިފިއެވެ.

3 ދުވަހުގެ މި ދަތުރުފުޅު އެމަނިކުފާނު ފެއްޓެވުމަށް ހަމަޖެހިފައިވަނީ 15 ވާ ހޮނިހިރު ދުވަހުއެވެ. އެމަނިކުފާނުގެ މި ދަތުރުފުޅު ނިންމަވާލެއްވުމަށް ހަމަޖެހިފައިވަނީ 17 ވަނަ ދުވަހުއެވެ.

އެމަނިކުފާނުގެ ދަތުރުފުޅު ފައްޓަވާނީ މ. އަތޮޅުންނެވެ. މިގޮތުން މ، ކޮޅުފުށި، ނާލާފުށި، މުލި އަދި މުލަކަށް ވަޑައިގަންނަވާނެއެވެ. މިއިން ކޮންމެ ރަށަކަށް ވަޑައިގެންވެސް ރަށުގެ ރައްޔިތުންނާ ބައްދަލުކުރައްވައި ރައްޔިތުން ބޭނުންވާ ކަންކަން އޮޅުންފިލުއްވުމަށް ވަނީ ހަމަޖެހިފައެވެ. އަދި ބައެއް ޚިދުމަތްތައް އިފްތިތާހު ކޮށްދެއްވުމަށް ވެސް ވަނީ ހަމަޖެހިފައެވެ.

މ. އަތޮޅަށް ވަޑައިގެންނެވުމަށްފަހު ވ. އަތޮޅަށް ވަޑައިގަންނަވާނެއެވެ. މިގޮތުން ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގެންނެވުމަށް ވަނީ ހަމަޖެހިފައެވެ. މި ރަށްތަކަށް ވަޑައިގެންވެސް ރަށްރަށުގެ ރައްޔިތުންނާ ބައްދަލުކުރައްވާނެއެވެ.

ރައީސް ވަނީ މިހާތަނަށް ކެމްޕޭން ދަތުރުފުޅުތަކުގައި ށ. އަދި ކ. އަތޮޅުގެ ބައެއް ރަށްތަކަށް ވަޑައިގެންފައެވެ.