އުނގޫފާރުގައި ކުޑަކުދިންގެ ޑިޓެންޝަން ސެންޓަރެއް ޤާއިމް ކޮށްދޭނެ ފަރާތެއް ހޯދަނީ
ބީލަމުގައި ރަޖިސްޓްރީ ވެވޭނެ އެންމެ ފަހު ވަގުތަކީ 2023 ޖުލައި 13 ވަނަ ދުވަހުގެ 14:00
ރ އަތޮޅު އުނގޫފާރު
ރ އަތޮޅު އުނގޫފާރުގައި ކުޑަކުދިންގެ ޑިޓެންޝަން ސެންޓަރެއް ޤާއިމް ކޮށްދޭނެ ފަރާތެއް ހޯދުމަށް ދިވެހި ފުލުހުންގެ ޚިދުމަތުން އިއުލާނު ކޮށްފިއެވެ.
ދިވެހި ފުލުހުންގެ ޚިދުމަތުން ކުރި އިއުލާނެއްގައި ވަނީ މި މަސައްކަތަށް ބީލަން ހުށަހެޅުމުގެ ދަޢުވަތު މިކަމަށް ޝައުޤުވެރިވެލައްވާ އެންމެހާ ފަރާތްތަކަށް ހުޅުވާލާފައެވެ.
ފުލުހުން މައުލޫމާތު ދޭ ގޮތުގައި ބީލަމުގައި ރަޖިސްޓްރީ ވެވޭނެ އެންމެ ފަހު ވަގުތަކީ 2023 ޖުލައި 13 ވަނަ ދުވަހުގެ 14:00 އެވެ.
މި ޕްރޮޖެކްޓާއި ގުޅިގެން ޕްރީބިޑް ބައްދަލުވުން 2023 ޖުލައި 16 ވަނަ ދުވަހުގެ 13:00 ގައި އަމީނީމަގު، އިސްކަންދަރު ކޮށި 1 ގައި އޮންނާނެ ކަމަށް އިއުލާނުގައި ބުނެފައިވެއެވެ.
ބީލަން ހުޅުވުން އޮންނާނީ 2023 ޖުލައި 17 ވަނަ ދުވަހުގެ 10:30 ގައި އަމީނީމަގު، އިސްކަންދަރު ކޮށި 1 ގައެވެ.
