މިއާމީގައި މެސީ އަށް އަހަރަކު 60 މިލިއަން ޑޮލަރު ލިބޭނެ
4 ޖުލައި 2023 | އަންގާރަ 08:24އޭނާ މިއާމީ އަށް ބަދަލުވީ ބާސެލޯނާ އާއި ސައޫދީ ލީގުގެ ހުށަހެޅުންތައް ދޫކޮށްލާފައި
ލިއޮނަލް މެސީ: ދެން ފެނިގެންދާނީ އެމެރިކާގެ އިންޓަ މިއާމީއިން
އެމެރިކާގެ އިންޓަމިއާމީގައި އާޖެންޓީނާގެ ކެޕްޓަން ލިއޮނަލް މެސީ އަށް އަހަރަކު 60 މިލިއަން ޕައުންޑް ލިބޭނެ ކަމަށް އެމެރިކާގެ ނޫސްތަކުން ބުނަން ފަށައިފި އެވެ.
ބާސެލޯނާގެ ކުރީގެ ކެޕްޓަން މިއާމީއާ ގުޅުނު ނަމަވެސް ރަސްމީ އެއްބަސްވުންތަކުގައި އަދި ސޮއިނުކުރެ އެވެ. ނަމަވެސް ޑޭވިޑް ބެކަމްގެ ހިއްސާ އޮންނަ ކުލަބުން މިހާރު ދަނީ އެންމެ ފަހުގެ ލިޔެކިއުންތައް ޗެކްކޮށް މެސީ އެކުލަބުގެ ކުޅުންތެރިއެއްގެ ގޮތުގައި ދައްކާލުމުގެ މަސައްކަތް ކުރަމުންނެވެ.
މިއާމީގެ ވެރިޔާ ޖޯޖް މަސް ވިދާޅުވީ މެސީގެ މުސާރަ އުޅޭނީ 50 މިލިއަން ޑޮލަރާއި 60 މިލިއަން ޑޮލަރުގައި ކަމަށެވެ.
މެސީ އިންޓަ މިއާމީ އަށް ކުޅެން ނިންމީ ވަރަށް ގިނަ ހުށަހެޅުންތަކެއް ލިބިފައިވަނިކޮށެވެ. ހާއްސަކޮށް ސައޫދީ ލީގަށް ބަދަލުވުމަށް ލިބުނު 600 މިލިއަން ޑޮލަރުގެ އޮފާ ފާހަގަކުރެވެ. މީގެ އިތުރުން ބާސެލޯނާ ވެސް އޮތީ މެސީ އަލުން ގެންދިއުމަށް ތައްޔާރަށެވެ. ނަމަވެސް އެކުލަބުގެ މާލީ ހާލަތު އެކަމަށް ތަނެއް ނުދެ އެވެ.
ބާސެލޯނާގެ ރައީސް ޖޯން ލަޕޯޓާ ވިދާޅުވީ މެސީ އެނބުރި އެކުލަބަށް ނައީ ޕްރެޝަރ ނަގަން ބޭނުންނުވާތީ ކަމަށެވެ.
