ފުލުހުންގެ ތަމްރީނު ބެޗެއްގެ ދަރިވަރުންނަށް، ފަޔަރ އެވެއަރނެސް ކުލާސްތަކެއް އެމްއެންޑީއެފުން ފަށައިފިއެވެ.
އެމްއެންޑީއެފުން ބުނީ، އެމްއެންޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމެންޓްގައި މިހާރު ހިންގަމުންދާ ފުލުހުންގެ ތަމްރީނު ބެޗެއްގެ ދަރިވަރުންނަށް، އެމްއެންޑީއެފް ސަދަން އޭރިއާ ކޮމާންޑް، އައްޑޫ ސިޓީ ހިތަދޫ ފަޔަރ ސްޓޭޝަނުން ފަޔަރ އެވެއަރނެސް ކުލާސްތަކެެއް ފަށާފައިވާ ކަމަށެވެ.
ފަސް ދުވަހުގެ މުއްދަތަށް ކުރިއަށްގެންދާ މި ކުލާސްތަކުގައި، އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާނުގެ ބައިތަކާއި، އަލިފާން ނިއްވާނެ ގޮތުގެ އަސާސީ މައުލޫމާތާއި، އަލިފާންނިތްވާއި ފަޔަރ ބްލޭންކެޓު ބޭނުން ކުރާނެގޮތުގެ މައުލޫމާތު ފަދަ މުހިންމު މައުލޫމާތުތައް ކިޔައިދޭނެއެވެ.
މި ކުލާސްތަކުގައި ކިޔަވައިދިނުމުގައި ހަރަކާތްތެރިވަނީ، ފަޔަރ ފައިޓިންގގެ ދާއިރާއިން ތައުލީމާއި ތަމްރީނު ހާސިލުކޮށްފައިވާ، އެމްއެންޑީއެފް ސަދަން އޭރިއާ ކޮމާންޑް، ސ. ހިތަދޫ ފަޔަރ ސްޓޭޝަންގެ ސިފައިންނެވެ.
