މާލޭގައި ނުރައްކާތެރި އެކްސިޑެންޓެއް ހިނގައި މީހަކަށް ސީރިއަސް އަނިޔާތަކެއްވެއްޖެއެވެ.
ފުލުހުން މައުލޫމާތު ދޭ ގޮތުގައި މި އެކްސިޑެންޓް ހިނގާފައިވަނީ ރޭ ފަތިހު 5:00 ހާއިރު މަޖީދީމަގު ރެޑްވޭވް ކައިރިންނެވެ. އެ އެކްސިޑެންޓުގައި އަނިޔާވީ 50 އަހަރުގެ ދިވެހި ފިރިހެނަކަށް ކަމަށް ފުލުހުން ބުނެއެވެ.
މި އެކްސިޑެންޓް ހިނގާފައިވަނީ ލައިސެންސް ނެތް 22 އަހަރުގެ ފިރިހެނަކު ދުއްވި ސައިކަލެއް ހިނގާފައިދިޔަ 50 އަހަރުގެ މީހާގެ ގައިގައި ޖެހިގެން ކަމަށް ވެސް ފުލުހުން ބުންޏެވެ.
އެކްސިޑެންޓުގައި އަނިޔާވި މީހާއަށް އޭޑީކޭގައި ދަނީ ފަރުވާދެމުންނެވެ. އޭނާގެ ހާލު ސީރިއަސް ކަމަށް މައުލޫމާތު ލިބެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
