އެމްޑީޕީގައި ޒުވާނުންނަށް ފުރުސަތު އެބައޮތް: ފައްޔާޒު
26 ޖޫން 2023 | ހޯމަ 07:00ދިވެހި ޒުވާން ޖީލަށް އުފާވެރި ދިރިއުޅުމެއް ހޯދުމުގެ މަގު ކޮށާ އަލިކުރާ ބަޔަކީ އެމްޑީޕީ
އެމްޑީޕީގެ ޗެއަރޕާސަން ފައްޔާޒު އިސްމާއީލް
ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގައި ޒުވާނުންނަށް ފުރުސަތު އެބައޮތް ކަމަށާއި، އެޕާޓީއާ ގުޅުމަށް ޗެއަރޕާސަން ފައްޔާޒު އިސްމާއީލް ގޮވާލައްވައިފިއެވެ.
އެމްޑީޕީއަށް 18 އަހަރު ފުރުމާ ގުޅިގެން އާދީއްތަ ދުވަހުގެ ރޭ ދެއްވި ޚާއްސަ ބަސްދީގަތުގައި ފައްޔާޒު ވިދާޅުވީ ހެދިބޮޑުވަމުން އަންނަ ދިވެހި ޒުވާން ޖީލަށް އުފާވެރި ދިރިއުޅުމެއް ހޯދުމުގެ މަގު ކޮށާ އަލިކުރާ ބަޔަކީ އެމްޑީޕީ ކަމަށެވެ. ޒުވާނުންނަށް ގިނަ ފުރުސަތުތައް ފަހިކޮށްދޭކަން ފާހަގަކުރައްވައި ފައްޔާޒު ވިދާޅުވީ މަތީތައުލީމަށް ހުޅުވާލެވިފައިވާ ފުރުސަތާއި ތަމްރީންގެ ބޭނުން ފުރިހަމައަށް ހިފަންޖެހޭ ކަމަށާއި، ގައުމަށް ބޭނުން ހުރިހާ ދާއިރާއަކުން ޒުވާނުން ކުރިއަށްދާން ޖެހޭ ކަމަށެވެ.
ފައްޔާޒު ވިދާޅުވީ ރާއްޖެއާއި އެމްޑީޕީއާގެން ކުރިއަށްދާން ތިބީ ޒުވާނުން ކަމަށާއި، މިއީ ހުރިހާ ޒުވާނުން ހުޅުވާލެވިފައިވާ ޕާޓީއެއް ކަމަށެވެ. މިޕާޓީގެ ތެރެއިން އެޒުވާނަކު ކުރިއަރާ ދާން ބޭނުންވާނަމަ ކޮންމެ ހިސާބަކަށް ދިއުމުގެ ފުރުސަތު އެބައޮތް ކަމަށް ފައްޔާޒު ވިދާޅުވިއެވެ. އަދި ވިދާޅުވީ މިއަދުގެ ޒުވާނުންނަށް އޮތް އެންމެ އަގުހުރި ރަނުގެ ފުރުސަތަކީ މިއަދު އެމްޑީޕާއާ ގުޅުން ކަމަށެވެ.
ފައްޔާޒު ވިދާޅުވީ އެމްޑީޕީން ރާއްޖެއަށް ގެންނަ ހެޔޮ ބަދަލުގެ މަންފާ ރާއްޖޭގެ ހުރިހާ ރައްޔިތުންނަށް ހަމަހަމަކަމާއެކު ލިބެމުންދާ ކަމަށެވެ. އަދި ކުރިއަށް އޮތްތަނުގައި ވެސް އެމްޑީޕީ ގެންނަ ހެޔޮ ބަދަލުގެ ނަފާ މުޅި ރާއްޖެއާއި ހުރިހާ ރައްޔިތުންނަށް ފޯރާނެކަމުގެ ޔަގީންކަން ފައްޔާޒު ދެއްވިއެވެ.
މީގެ އިތުރުން ފައްޔާޒު ވިދާޅުވީ ހޯދިފައިވާ މިކާމިޔާބީތައް ދޫކޮށް އެމްޑީޕީއާ ދިވެހި ރައްޔިތުންގެ މާދަމާގެ އުފާވެރިކަން ދޫކޮށް ނުލާނެ ކަމަށެވެ. އަދި ވިދާޅުވީ ނިމިގޮސް ގެއްލެމުންދާ އަނިޔާވެރި ލާއިންސާނީ މާޒީ އިޔާދަވުމަށް ހިމަނާރެއްގެ ޖާގަ ދިނުމުގެ ފުރުސަތު ނުދޭނެ ކަމަށެވެ.
