ލިވަޕޫލާއި ނިއުކާސަލްގެ ކުރީގެ ކޯޗު ރަފައެލް ބެނީޓޭޒް ސެލްޓަ ވީގޯގެ ކޯޗުގެ މަގާމަށް ހަމަޖެއްސައިފިއެވެ.
ޗެލްސީގެ ވަގުތީ ކޯޗުގެ ގޮތުގައި ވެސް މަސައްކަތް ކުރި ބެނީޓޭޒް ވަނީ ސްޕެނިޝް ލީގުގެ ކުލަބާއެކު ތިން އަހަރު ދުވަހުގެ އެއްބަސްވުމެއް ހަދާފައެވެ. އޭނާ ސެލްޓަ ވީގޯއާ ގުޅުނީ ސެލްޓަ ރެލިގޭޝަނުން ސަލާމަތްވުމަށް އެހީތެރިވެދިނުމަށް ފަހު ސީޒަން ނިމުމުގެ ކުރިން ވަކިވި ކާލޯސްގެ ބަދަލުގަ އެވެ.
ސެލްޓަ އިން ރެލިގޭޝަން ޒޯނަށް ވުރެ ތިން ޕޮއިންޓް މައްޗަށް 13 ވަނައިގައި އޮތްއިރު، އެންމެ ފަހު ދުވަހު ވަނީ ޗެމްޕިއަން ބާސެލޯނާ ބަލިކޮށް ރައްކާތެރިކަން ކަށަވަރުކޮށްފައެވެ.
އެ ކުލަބުން ބުނީ އިންޓަ މިލާނާއި ރެއާލް މެޑްރިޑް އަދި ނަޕޯލީގެ ކުރީގެ ކޯޗު ބެނީޓޭޒް އަކީ ގިނަ ތަޖުރިބާތަކެއް ލިބިފައިވާ ކޯޗެއް ކަމަށެވެ.
ބެނީޓޭޒް ވަނީ ލިވަޕޫލާއެކު 2005 ވަނަ އަހަރުގެ ޗެމްޕިއަންސް ލީގާއި 2006 ވަނަ އަހަރުގެ އެފްއޭ ކަޕާއި ޗެލްސީ އާއެކު 2013 ވަނަ އަހަރުގެ ޔޫރޮޕާ ލީގު ކާމިޔާބުކޮށްފައެވެ. އޭގެ އިތުރުން ނިއުކާސަލް ޔުނައިޓެޑް ޕްރިމިއާ ލީގަށް ޕްރޮމޯޓު ކޮށްދިނީވެސް ބެނިޓޭޒްއެވެ.
