ޔޫރޮޕާ ލީގުގައި ސެލްޓަވިގޯ އަތުން އެއްވަރުވިޔަސް މެންޗެސްޓާ ޔުނައިޓެޑް ފައިނަލުގެ ޖާގައެއް ކަށަވަރުކޮށްފި އެވެ.
ބުރާސްފަތި ދުވަހުގެ ރޭ ކުޅުނު ސެމީފައިނަލް ދެވަނަ ލެގު އެއްވަރުވީ 1-1 ގެ ނަތީޖާއަކުންނެވެ. އެހެންނަމަވެސް ފުރަތަމަ ލެގު 0-1 ގެ ނަތީޖާއިން ޔުނައިޓެޑް ކާމިޔާބުކޮށްފައިވުމާއެކު، 1-2 ގެ އެގްރިގޭޓް ނަތީޖާއަކުން އެޓީމު ވަނީ ފައިނަލަށް ދަތުރުކޮށްފައެވެ.
ޔުނައިޓެޑް ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށްގެން ރަނގަޅަށް ކުޅުނީ އެޓީމުންނެވެ. އެގޮތުން ލަނޑު ޖެހުމަށް އެޓީމުން ވަނީ ހުސް ގިނަ ފުރުސަތުތައް ހޯދާފައެވެ.
.@Fellaini's header was a landmark goal for #MUFC... pic.twitter.com/rLsXQU0DWO
— Manchester United (@ManUtd) May 11, 2017
ޔުނައިޓެޑުން މެޗުގެ ލީޑު ނެގީ 17 ވަނަ މިނެޓުގައި މާކަސް ރަޝްފަޑް ތަނަވަސްކޮށްދިން ފުރުސަތަކުން ފެލާނީ އެވެ. މި ލަނޑަކީ ޔުނައިޓެޑުން މި ސީޒަނުގައި ކާމިޔާބުކުރި 100 ވަނަ ލަނޑެވެ. އަދި މިއީ ސާ އެލެކްސް ފާގަސަން އެޓީމު ދޫކޮށްދިޔަ ފަހުން ޔުނައިޓެޑުން ސީޒަނެއްގައި 100 ލަނޑު ހަމަކުރި ފުރަތަމަ ފަހަރެވެ.
މި ލަނޑަށްފަހުވެސް ޔުނައިޓެޑުން ދިޔައީ ސެލްޓަވިގޯގެ ގޯލަށް ނުރައްކާކުރަމުންނެވެ. މީގެއިތުރުން ސެލްޓަވިގޯއަށް ވެސް ވަނީ ނަތީޖާ ހަމަހަމަކުރުމަށް ރަނގަޅު ފުރުސަތުތަކެއް ލިބި ބޭކާރުވެފައެވެ.
ފުރަތަމަ ހާފް ނިމުނީ 0-1 ގެ ނަތީޖާއިން ސެލްޓަވިގޯގެ މައްޗަށް ޔުނައިޓެޑް ކުރީގައި އޮވެގެންނެވެ.
United celebrate reaching the final of the Europa League/UEFA Cup for the first time in their history. #UEL #UELfinal #MUFC pic.twitter.com/scAEyZIO4i
— UEFA Europa League (@EuropaLeague) May 11, 2017
ދެވަނަ ހާފް ފެށިގެން ޔުނައިޓެޑުން އެޓީމުގެ އެޓޭކްތައް ވަރުގަދަކޮށްފައިވާއިރު، ލަނޑު ޖެހުމަށް އެޓީމުން ގިނަ ފުރުސަތުތަކެއް ތަނަވަސްކުރި އެވެ. ޔުނައިޓެޑުން ރަނގަޅަށް ކުޅެމުން ދަނިކޮށް ސެލްޓަވިގޯ އިން ނަތީޖާ ހަމަހަމަކުރީ 85 ވަނަ މިނެޓުގައި ސަބެސްޓައިން އެވެ.
މެޗުގެ 87 ވަނަ މިނެޓުގައި ޔުނައިޓެޑްގެ ބެއިލީ އަދި ސެލްޓަވިގޯގެ ސެބެސްޓައިންއާ ދެމެދު ހިނގި ހަމަނުޖެހުމާއެކު ރެފްރީ ވަނީ އެ ދެ ކުޅުންތެރިންވެސް ރަތްކާޑު ދައްކާ ދަނޑުން ފޮނުވާލާފައެވެ.
