ރަފައެލް ގަރޭރޯ ބަޔާން އަށް

ހިލޭ ޓްރާންސްފާއެއްގައި ރަފައެލް ގަރޭރޯ ގެނައުމުގެ މަސައްކަތް ބަޔާންއިން ނިންމައިފިއެވެ.

ބަޔާންގެ ވާދަވެރި ޑޯޓްމަންޑަށް ކުޅެމުން އައި ޕޯޗުގަލްގެ ކުޅުންތެރިޔާ ވަނީ 2026 ވަނަ އަހަރާ ހަމައަށް ތިން އަހަރުގެ އެއްބަސްވުމެއްގައި ސޮއިކޮށްފަ އެވެ.

ގަރޭރޯ ބުނީ ބަޔާންގެ ހުށަހެޅުން ލިބުނު ހިސާބުން އޭނާ ވަރަށް އަވަހަށް ގޮތް ނިންމި ކަމަށެވެ. އަދި ބަޔާން ފަދަ ބޮޑު ކުލަބަކަށް ކުޅުމުގެ ފުރުސަތު ލިބުމަކީ ބޮޑު ޝަރަފެއް ކަމަށް ބުންޏެވެ. އޭނާ އިތުރަށް ބުނީ ތޯމަސް ޓުޗެލް ޑޯޓްމަންޑުގައި ހޭދަ ކުރި ދުވަސްތަކު ކޮށްދިން ކަންކަން ބަލައިގަންނަ ކަމަށެވެ. މިވަގުތު ބަޔާންގެ ކޯޗަކީ ޓުޗެލް އެވެ.

ގަރޭރޯ ޑޯޓްމަންޑަށް ބަދަލުވީ ފްރާންސްގެ ލޮރިއެންޓްގައި ތިން ސީޒަން ހޭދަކުރުމަށްފަހު 2016 ވަނަ އަހަރުއެވެ. ޑޯޓްމަންޑުގައި ހޭދަ ކުރި ހަތް ސީޒަނުގައި އޭނާ ވަނީ 224 މެޗު ކުޅެ، 40 ލަނޑު ޖަހައިދީފައެވެ.

ބަޔާން އާއި ޑޯޓްމަންޑަކީ ޖަރުމަނު ލީގުގެ އެންމެ ވާދަވެރި ދެ ޓީމަށް ވީނަމަވެސް، ޑޯޓްމަންޑުގައި މޮޅަށް ކުޅެފައިވާ ގިނަ ކުޅުންތެރިންތަކެއް ވަނީ ބަޔާން އާ ގުޅިފައެވެ.