ރައީސުލްޖުމްހޫރިއްޔާގެ މެޑަލް އާއި މަތިވެރި ޚިދުމަތުގެ މެޑަލް ސިފައިންގެ 19 ބޭފުޅަކަށް
21 ޖޫން 2023 | ބުދަ 00:59މެޑަލްތައް ދެއްވީ ސިފައިންގެ އެންމެ މަތީވެރިޔާ އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު
ސިފައިންގެ އަހަރީ ދުވަސް
ރައީސުލްޖުމްހޫރިއްޔާގެ މެޑަލް އާއި މަތިވެރި ޚިދުމަތުގެ މެޑަލް ސިފައިންގެ 19 ބޭފުޅުންނަށް ދެއްވައިފިއެވެ.
ސިފައިންގެ 131 ވަނަ އަހަރީ ދުވަހުގެ ޚާއްސަ ރަސްމިއްޔާތުގައި މި މެޑަލްތައް ދެއްވީ ސިފައިންގެ އެންމެ މަތީވެރިޔާ އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހުއެވެ.
މި 19 ބޭފުޅުންގެ ތެރެއިން މަތިވެރި ޚިދުމަތުގެ މެޑަލް ލިބިވަޑައިގެންނެވީ އެންމެ ބޭފުޅަކަށެވެ. އެގޮތުން މަތިވެރި ޚިދުމަތުގެ މެޑަލް ލިބިވަޑައިގެންނެވީ ކާނަލް ހުސެއިން އިބްރާހިމަށެވެ.
ސިފައިންގެ 131 ވަނަ އަހަރީ ދުވަހުގެ ޚާއްސަ ރަސްމިއްޔާތުގައި އެކިގޮތްގޮތުން ސިފައިންގެ ޚިދުމަތަށް އެހީތެރިކަން ފޯރުކޮށްދެއްވާފައިވާ ފަރާތްތަކުގެ ޚިދުމަތުގެ އަގުވަޒަން ކުރުމުގެ ގޮތުން އެފަރާތްތަކަށްވަނީ ފިލާ ހަވާލުކޮށްދެއްވާފައެވެ.
