ޕޮއިޒްގެ އިވެންޓަށް ބޮޑު ތަރުހީބެއް!
17 ޖޫން 2023 | ހޮނިހިރު 17:3514 ބްރޭންޑެއް ތަޖުރިބާ ކޮށްލުމުގެ ފުރުސަތު އާއްމުންނަށް ހުޅުވާލި
ޕޮއިޒް އިން ބޭއްވި ހަރަކާތުގެ ތެރެއިން
ގިނަ ހަރަކާތްތަކާއެކު ހުޅުމާލޭގައި ބޭއްވި ޕޮއިޒް ފިހާރައިގެ އިވެންޓަށް ބޮޑު ތަރުހީބެއް ލިބިއްޖެއެވެ.
ހުކުރު އަދި ހޮނިހިރު ދުވަހު މި އިވެންޓުގައި އެ ފިހާރައިން ވިއްކާ މައިގަނޑު ޕްރޮޑަކްޓްތައް ވަނީ ދައްކާލާފައެވެ. އަދި އެ ޕްރޮޑަކްޓްތަކުގެ އަޖުމަ ބަލައިލުމުގެ ފުރުސަތު ވެސް އާންމުންނަށް ވަނީ ފޯރުކޮށްދީފައެވެ.
ޕޮއިޒްއިން ބުނީ، ރަޖިސްޓްރީ ކުރި ކަސްޓަމަރުންނަށް ޑިސްކައުންޓް ކާޑަކާއި ގިފްޓް ވައުޗަރު ވެސް ދިން ކަމަށެވެ. އަދި އިވެންޓަށް ބޮޑު ތަރުހީބެއް ލިބިފައިވާއިރު އާންމުން މި އިވެންޓާ މެދު ހިތްހަމަޖެހޭކަމަށް ވެސް ވަނީ ބުނެފައެވެ.
އަފްނާން ވަޓިކާ އާއި މަމީ އާރތް ބްރޭންޑްގެ އިތުރުން ކުޑަކުދިންނަށް އަލަށް ތައާރަފް ކުރެވުނު "ކިޑްސް ފެންޓަސީ" ސެންޓު ވެސް މި އިވެންޓްގެ ތެރެއިން އާންމުންނަށް ދައްކާލާފައިވާ ކަމަށް ޕޮއިޒްއިން ބުނެއެވެ.
މި ހަރަކާތުގެ ތެރޭގައި ޕޮއިޒްގެ މައިގަނޑު 14 ބްރޭންޑެއް ތަޖުރިބާ ކޮށްލުމުގެ ފުރުސަތު އާއްމުންނަށް ވަނީ ހުޅުވާލާފައެވެ. އެގޮތުން މި ބްރޭންޑްތަކަށް ޚާއްސަކޮށް ސްޓޯލްތައްވަނީ ބަހައްޓާފައެވެ.
ޕޮއިޒްއަކީ އާންމުންގެ މަގުބޫލުކަން ލިބިފައިވާ، ފުޅާ ދާއިރާއެއްގައި ސެންޓާއި ބޮޑީ ސްޕްރޭ ވިއްކާ ފިހާރައެކެވެ. އެ ފިހާރައިން މިހާރު ވެސް ދަނީ ތަފާތު 50 ބްރޭންޑްގެ ޕްރޮޑަކްޓްތައް ހެޔޮއަގުގައި ފޯރުކޮށްދެމުންނެވެ. އުންމީދަކީ ރަނގަޅު ބްރޭންޑްތައް އެތެރެކޮށް މާކެޓް ކުރުން ކަމަށް ޕޮއިޒުން ބުންޏެވެ.
