އަބްދުﷲ ޖަމީލްގެ ޤައުމީ ޚިދުމަތުގެ ޒިކުރާ އަބަދުމެ ދެމިހުންނާނެ
ރައީސް ވަނީ އެމަނިކުފާނުގެ ޤައުމީ ޚިދުމަތުގެ ޒިކުރާ އަބަދުމެ ދެމިހުންނާނެކަމަށް ވިދާޅުވެފައި
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު
ނިޝާން ޢިއްޒުއްދީނުގެ ޢިއްޒަތުގެ ވެރިކަމުގެ ލަޤަބް އަރުވައިފައިވާ، ޢަބްދުﷲ ޖަމީލް އަވަހާރަވުމާއި ގުޅިގެން ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙު ތައުޒިޔާ ވިދާޅުވެއްޖެއެވެ.
އާދިއްތަ ދުވަހު ރައީސް ކުރެއްވި ޓްވީޓެއްގައި ވަނީ ދައުލަތަށް ވަރަށް ގިނަ ޚިދުމަތްތަކެއް ކުރެއްވި ޢަބުދުﷲ ޖަމީލު (ނޢޢވ) އަވަހާރަވުމާ ގުޅިގެން އާއިލާއަށް އިޚްލާޞްތެރި ތަޢުޒިޔާ ދަންނަވާފައެވެ.
މަރްޙޫމްގެ ފުރާނައަށް ސުވަރުގޭގެ ދާޢިމީ ނިޢުމަތްލެއްވުން އެދި ދުޢާ ދަންނަވާކަން ފާހަގަކުރައްވައި ރައީސް ވަނީ އެމަނިކުފާނުގެ ޤައުމީ ޚިދުމަތުގެ ޒިކުރާ އަބަދުމެ ދެމިހުންނާނެކަމަށް ވިދާޅުވެފައެވެ.
ރައީސް އޮފީހުން ވަނީ ޖޫން 12 ވާ ހޯމަ ދުވަހުގެ މެންދުރު ފަހު 1:00 އިން ފެށިގެން ޖޫން 15 ވާ ބުރާސްފަތި ދުވަހުގެ މެންދުރު ފަހު، 1:00 އާއި ހަމައަށް ވަނަ ދުވަހުން ފެށިގެން ތިންދުވަސް ވަންދެން ދިވެހި ޤައުމީ ދިދަ ބައިދަނޑިއަށް ތިރިކުރުމަށް ހަމަޖައްސަވާފައެވެ.
