އިޖްތިމާއީގޮތުން ބާރުވެރިކުރުވުމަށް އަމިއްލައަށް އިސްނަގައިގެން ތަފާތު ގޮތްގޮތުން މަސައްކަތްކުރި ޖަމިއްޔާތަކަށް އެވޯޑް ދީފައިވޭ
ސިވިލް ސޮސައިޓީ އެވޯޑް ހަފްލާގެ ތެރެއިން
ސިވިލް ސޮސައިޓީ އެވޯޑް 10 ޖަމިއްޔާއަކަށް ދީފިއެވެ.
ބުރާސްފަތި ދުވަހުގެ ރޭ އޮތް އެވޯޑް ހަފްލާގައި ޖަމިއްޔާތަކަށް އެވޯޑްތައް ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ސާލިހެވެ.
މި އެވޯޑަކީ، އިޖުތިމާއީގޮތުން ބާރުވެރިކުރުވުމަށް އަމިއްލައަށް އިސްނަގައިގެން، ޖަމިއްޔާތައް ނިސްބަތްވާ މުޖުތަމައުގެ ރައްޔިތުންގެ ދިރިއުޅުމުގެ ހާލަތު ރަނގަޅުކުރުމަށް ތަފާތު ގޮތްގޮތުން ހިލޭ ސާބަހަށް މަސައްކަތްކުރުމުގައި މަދަނީ ޖަމިއްޔާތަކުގެ ތެރެއިން ނަމޫނާ ދައްކުވައިދޭފަދަ މަސައްކަތްތައް ކޮށްފައިވާ ޖަމިއްޔާތަކަށް ގައުމީ ފެންވަރުގައި ދިން އެވޯޑެކެވެ.
ސިވިލް ސޮސައިޓީ އެވޯޑަކީ ޔޫތު މިނިސްޓްރީން މުޅިން އަލަށް ތައާރަފުކޮށްފައިވާ އެވޯޑެކެވެ.
