ސާފް ޗެމްޕިއަންޝިޕުގެ ކުރިން ބަނގްލަދޭޝް، ކެމްބޯޑިއާއާ ދެކޮޅަށް

ސާފް ޗެމްޕިއަންޝިޕް ފުޓްބޯޅަ މުބާރާތުގެ ކުރިން ކެމްބޯޑިއާގެ ގައުމީ ޓީމާއެކު އެކުވެރިކަމުގެ މެޗެއް ކުޅެން ބަންގްލަދޭޝްއިން ނިންމައިފި އެވެ.

މި މެޗު ކުޅޭނީ ޖޫން މަހުގެ 15 ވަނަ ދުވަހު ކެމްބޯޑިއާގަ އެވެ. ސާފް ޗެމްޕިއަންޝިޕް އިންޑިޔާގެ ބެންގަލޫރުގައި ފަށާނީ ޖޫން 21ގަ އެވެ.

ބަނގްލަދޭޝްގެ ފުޓްބޯޅަ ފެޑަރޭޝަނުގެ ވައިސް ޗެއާމަން އަދި ގައުމީ ޓީމު ކޮމިޓީގެ ޗެއާމަން ހާޒީ ނަބީލް އަހުމަދު ވިދާޅުވީ ކެމްބޯޑިއާގައި ހަފުތާއެއްހާ ދުވަހު ފަރިތަކުރާނެ ކަމަށާއި މެޗު ކުޅުމަށްފަހު ޓީމު ދަތުރުކުރާނީ ބެންގަލޫރަށް ކަމަށެވެ.

އޭނާ ބުނީ ސާފް ޗެމްޕިއަންޝިޕަށް ވަރަށް ރަނގަޅަށް ތައްޔާރުވުމަށް ބަނގްލަދޭޝްއިން ބޭނުންވާ ކަމަށެވެ. މި ގޮތުން މުބާރާތުގެ ކުރިން ބަނގްލަދޭޝްގެ ގައުމީ ލީގު ވެސް މެދުކަނޑާލާނެ ކަމަށެވެ.

އޭނާ އަދި ބުނީ މުބާރާތުގައި މި ފަހަރު ކުވޭތު ވާދަކުރާތީވެ ކުރީ މުބާރާތްތަކަށްވުރެ މި އަހަރުގެ މުބާރާތް ވާދަވެރިވާނެ ކަމަށެވެ.

ބަނގްލަދޭޝް ވަނީ ސާފް ޗެމްޕިއަންޝިޕް 2003ގައި ކާމިޔާބުކޮށްފަ އެވެ. އެންމެ ފަހުން ބޭއްވި މުބާރާތުން ކެޓީ ގްރޫޕް ސްޓޭޖުންނެވެ.