މަކުނުދޫގެ ގެއެއްގައި އަލިފާން ރޯވެ އަނދަނީ
25 މެއި 2023 | ބުރާސްފަތި 16:46އަލިފާންގަނޑު ކޮންޓްރޯލްކުރުމަށް ރަށުގެ އާއްމު ރައްޔިތުން ދަނީ މަސައްކަތްކުރަމުން
އަމްނާ އިމާދު | 25 މެއި 2023 | ބުރާސްފަތި 16:46
އެގޭގައި ވަރަށް ބޮޑަށް ވަނީ އަލިފާން ހިފާފައި
ހދ. މަކުނުދޫގެ ގެއެއްގައި އަލިފާން ރޯވެއްޖެއެވެ.
މައުލޫމާތު ލިބޭގޮތުގައި އަލިފާން ރޯވެފައިވަނީ އެރަށުގެ އަލްފާ ނަމަކަށް ކިޔާ ގެއެއްގައެވެ. އަލިފާން ރޯވީ ގޭސްފުޅިއެއް ގޮވުމުގެ ސަބަބުން ކަމަށާއި، އަލިފާން ރޯވިއިރު ގޭގައި އެއްވެސް މީހަކު ނެތްކަމަށް މައުލޫމާތު ލިބެއެވެ.
އާއްމުވެފައިވާ ފޮޓޯތަކުން ފެންނަގޮތުގައި މުޅި ގޭގައި ވަނީ އަލިފާން ހިފާފައެވެ. އަދި ގޭގެ ފުރާޅާއި ފާރުތައްވެސް ވަނީ ވެއްޓިފައެވެ.
އަލިފާންގަނޑު ކޮންޓްރޯލް ކުރުމަށް ރަށުގެ އާއްމު ރައްޔިތުން ދަނީ މަސައްކަތްކުރަމުންނެވެ.
މިހާދިސާއާ ގުޅޭގޮތުން އެމްއެންޑީއެފްގެ ބަހެއް ވަނީ އަދި ލިބޭގޮތް ނުވެފައެވެ.
