ޑަބަލް ޓެކްސް ނެގުން ހުއްޓުވުމަށް މެލޭޝިއާއާއެކު އެއްބަސްވުމެއްގައި ސޮއިކޮށްފި
25 މެއި 2023 | ބުރާސްފަތި 02:59އެއްބަސްވުމުގެ މައިގަނޑު މަގުސަދަކީ ޑަބަލް ޓެކްސް ނެގުމުގެ ނުރައްކާ ނައްތާލުން
ޑަބަލް ޓެކްސް ނެގުން ހުއްޓުވުމަށް ވީ އެއްބަސްވުން
ރާއްޖެއާއި މެލޭޝިއާއާ ދެމެދު ޑަބަލް ޓެކްސް ނެގުން ހުއްޓުވުމުގެ އެއްބަސްވުމެއްގައި ސޮއިކޮށްފިއެވެ.
މެލޭޝިއާގެ ޕާލަމެންޓް ބިލްޑިންގައި ބުދަ ދުވަހު ބޭއްވި ރަސްމިއްޔާތުގައި މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފިނޭންސް މިނިސްޓަރު އިބްރާހީމް އަމީރެވެ. މެލޭޝިއާގެ ފަރާތުން އެއްބަސްވުމުގައި ސޮއިކުރެއްވީ އެގައުމުގެ ޑެޕިއުޓީ ފިނޭންސް މިނިސްޓަރު އަހުމަދު މަސްލާންއެވެ.
ފިނޭންސް މިނިސްޓްރީން ބުނީ މި އެއްބަސްވުމުގައި ސޮއިކުރުމުގެ މައިގަނޑު މަގުސަދަކީ ޑަބަލް ޓެކްސް ނެގުމުގެ ނުރައްކާ ނައްތާލުން ކަމަށެވެ. އަދި ޓެކްސް ދައްކާ ފަރާތްތަކުގެ ހައްގުތައް ކަށަވަރުކޮށްދިނުން ކަމަށެވެ.
މިނިސްޓްރީން ބުނީ މި އެއްބަސްވުމުގެ ސަބަބުން މެލޭޝިއާއާއި ރާއްޖެއާ ދެމެދު އޮތް ގުޅުން އިތުރަށް ބަދަހިވެގެންދާނެ ކަމަށެވެ.
މިއީ ރާއްޖެއިިން އެހެން ގައުމަކާއެކު ޑަބްލް ޓެކްސް ހުއްޓުވުމަށް އެއްބަސްވުމެއްގައި ސޮއިކުރި 3 ވަނަ ފަހަރެވެ.
