ކ. މާލެ
|
21 މެއި 2023 | އާދީއްތަ 11:48
ލައިޕްޒިގް މެޗަށްފަހު ބަޔާންގެ ކުޅުންތެރިން
ލައިޕްޒިގް މެޗަށްފަހު ބަޔާންގެ ކުޅުންތެރިން
ރޮއިޓާސް
ޖަރުމަނު ލީގު
ލައިޕްޒިގް އަތުން ބަލިވުމުން، ލީގު ނުލިބުމުގެ ބިރު ބަޔާން އަށް
 
2013 ވަނަ އަހަރުން ފެށިގެން ކޮންމެ އަހަރަކުވެސް ލީގު ކާމިޔާބު ކުރީ ބަޔާން

ޖަރުމަނު ލީގުގައި ލައިޕްޒިގް އަތުން ބަލިވެ، ޖެހިޖެހިގެން 11 ވަނަ ފަހަރު ލީގު ކާމިޔާބުކުރުމުގެ އުއްމީދު ބަޔާން އަށް ފަނޑުވެއްޖެއެވެ.

ހޮނިހިރު ދުވަހު ބަޔާންގެ ދަނޑުގައި ކުޅުނު މެޗު ލައިޕްޒިގް އިން ކާމިޔާބު ކުރީ ބަޔާން އިން ލަނޑެއް ޖަހާފައިވަނިކޮށް، ފަހަތުން އަރާ ތިން ލަނޑު ޖަހާ، 3-1 ގެ ނަތީޖާއަކުންނެވެ. 25 ވަނަ މިނެޓުގައި ސާޖް ގްނަބްރީ ލަނޑެއް ޖަހާ، ބަޔާން އިން ފުރަތަމަ ހާފު ނިންމާލީ ލީޑަކާއެކުއެވެ. ނަމަވެސް، މެޗުގެ 64 ވަނަ މިނެޓުގައި ލައިޕްޒިގް ގެ ކޮންރަޑް ލައިމާ ވަނީ ލަނޑެއް ޖަހާ، ނަތީޖާ ހަމަހަމަ ކޮށްދީފައެވެ. އޭގެ 10 މިނެޓު ފަހުން، ކްރިސްޓޮފާ އެންކުންކޫ އަށް ބެންޖަމިން ޕަވާޑް ކުރި ފައުލް އަކާ ގުޅިގެން ލައިޕްޒިގް އަށް ޕެނަލްޓީއެއް ލިބުނެެވެ. އެންކުންކޫ ކާމިޔާބު ކުރި ޕެނަލްޓީއާއެކު ލައިޕްޒިގް އިން ފުރަތަމަ ފަހަރަށް ލީޑު ނެގިއެވެ. މެޗުގެ 84 ވަނަ މިނެޓުގައި ލައިޕްޒިގް އަށް ވަނީ އިތުރު ޕެނަލްޓީ އެއް ލިބިފައެވެ. އެއީ ލައިޕްޒިގްގެ ސޮބޯޒްލާއީ އަށް ބަޔާންގެ ނުސައިޒު މަޒްރައޮއީ ކުރި ފައުލް އަކާ ގުޅިގެނެވެ. އެ ޕެނަލްޓީ ކާމިޔާބުކޮށް ސޮބޯޒްލާއީ ވަނީ ލައިޕްޒިގަށް ލީޑު ފުޅާ ކޮށްދީފައެވެ.

މި ބައްޔާއެކު ބަޔާން އަށް 33 މެޗުން ލިބިފައިވަނީ 68 ޕޮއިންޓެވެ. ދެވަނައިގައި އޮތް ޑޯޓްމަންޑް އެއް މެޗު މަދުން ކުޅެ، ދެވަނައިގައި އޮތީ 67 ޕޮއިންޓާއެކުއެވެ. އާދިއްތަ ދުވަހު އޮއުސްބާގް އާ ދެކޮޅަށް ކުޅޭ މެޗު ޑޯޓްމަންޑަށް ކާމިޔާބުކުރެވިއްޖެ ނަމަ ދެ ޕޮއިންޓުގެ ލީޑެއް ލިބޭނެއެވެ.

2013 ވަނަ އަހަރުން ފެށިގެން ކޮންމެ އަހަރަކުވެސް ޖަރުމަނު ލީގު ކާމިޔާބުކޮށްފައިވަނީ ބަޔާން އިންނެވެ. 2011 އަދި 2012 ގަ ކާމިޔާބުކުރީ ޑޯޓްމަންޑުންނެވެ. ބަޔާން ކައިރިން މޮޅުވުމާއެކު ލަައިޕްޒިގް ވަނީ ތިން ވަނަ ޔަގީންކޮށް، ޗެމްޕިއަންސް ލީގުން ޖާގަ ހޯދާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
100%
0%
0%
0%
0%
ކޮމެންޓް