މުޖުތަމައުގެ އިޖްތިމާއީ ފޭރާން ވަރުގަދަކުރުމަށް މަސައްކަތް ކުރަންޖެހޭ: އެޑިޔުކޭޝަން މިނިސްޓަރު
17 މެއި 2023 | ބުދަ 17:57ތައުލީމީ ދާއިރާ ކުރިއެރުވުމަށް އެތައް އީޖާދީ ހަރަކާތްތައް ހިންގަމުންދޭ
މަތީ އަރުތަވެރިންގެ އިނާމު ދިނުމުގެ ޖަލްސާއަށް ރައީސް އިބްރާހީމް މުހައްމަދު ސާލިހާއި އެޑިޔުކޭޝަން މިނިސްޓަރު ޑރ. އާއިޝަތު އަލީ ވަޑައިގަންނަވަނީ
މުޖުތަމައުގެ އިޖްތިމާއީ ފޭރާން ވަރުގަދަކުރުމަށް މަސައްކަތް ކުރަންޖެހޭ ކަމަށް އެޑިޔުކޭޝަން މިނިސްޓަރު ޑރ. އާއިޝަތު އަލީ ވިދާޅުވެއްޖެއެވެ.
މަތީ އަރުތަވެރިންގެ އިނާމު ދިނުމުގެ ޖަލްސާގައި މިނިސްޓަރު ވިދާޅުވީ، ތައުލީމީ ދާއިރާ ކުރިއެރުވުމަށް ގިނަ މަސައްކަތްތައް ކުރާކަމަށެވެ. އެގޮތުން ތައުލީމީ ދާއިރާ ކުރިއެރުވުމަށް އެތައް އީޖާދީ ހަރަކާތްތައް ހިންގަމުން ދާކަމަށާއި، މިހާރު މުގައްރަރު އައު ކުރަމުންދާކަމަށެވެ. އަދި ދަރިވަރުންގެ ރައްކާތެރިކަމަށް މުދައްރިސުންނަށް ލައިސެންސް ދިނުމުގެ ކަންކަން ހިންގަމުންދާކަމަށެވެ.
ދުނިޔެ މިހާރު ވަނީ ވަރަށް ނުރައްކާތެރި ފައްތަރެއްގައިކަން ފާހަގަކުރައްވައި މިނިސްޓަރު ވިދާޅުވީ، ޔޫރަޕްގެ ބޮޑު ދެބާރެއްގެ ދެމެދުގައި ހޫނު ހަނގުރާމައެއް ހިނގަމުންދާ ކަމަށާއި، މިކަމާ ގުޅިގެންނާ އެހެން ސަބަބުތަކާހުރެ ދުނިޔެ ތަރުތީބުވެފައިވާ ގޮތް މުޅިން ބަދަލުވާނެކަމަށް މުފައްކިރުން ގަބޫލުކުރައްވާ ކަމަށެވެ. އެހެންކަމުން ކުދިން މަދަރުސާގެ އޮޅި ގިރާކޮށް ދުނިޔޭގެ ދިރިއުޅުމަށް ފިޔަވަޅު އަޅާއިރު، މިކަމުގެ އަސަރުނުކޮށް ނުދާނެކަމަށް މިނިސްޓަރު ވިދާޅުވިއެވެ.
މީގެ އިތުރުން މިނިސްޓަރު ވިދާޅުވީ ކުދިންގެ އެންމެ ބޮޑު މަސްލަހަތަކަށް ވާންވާނީ ރާއްޖޭގެ ސިޔާދަތު މިނިވަން ކުރުން ކަމަށާއި، މިފަސްގަނޑުގައި އަމާންކަމާއި ސުލްހައާއި ހިމޭންކަން ގާއިމްކުރުން ކަމަށެވެ. އެގޮތުން މުޖުތަމައުގެ ގުޅުންތައް ވަރުގަދަކޮށް އިޖްތިމާއީ ފޭރާން ވަރުގަދަކުރަންޖެހޭ ކަމަށް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ އިޖުތިމާއީ ފޭރާމުގެ އުއިތައް ފީވިވަރަކަށް މުޖުތަމައަށް ވެރިވާނީ ނޭއްގާނީ ކަންތައްތަކާއި ނުރައްކާކަމަށާއި، ގެއްލިގެންދާނީ މުޖުތަމައުގެ ހިމޭންކަމާއި އަމާންކަން ކަމަށެވެ. އިޖްތިމާއީ ފޭރާން މާނަކުރަނީ ރަށެއްގައި ދިރިއުޅޭ ހުރިހާ މީހުން، ވަކިވަކި މީހުންނާމެދު އޮންނަ ގާތްކަމާއި ގުޅުންތަކާއި މުއާމަލާތްތަކަށް ކަމަށް މިނިސްޓަރު ވިދާޅުވިއެވެ. އަދި ވިދާޅުވީ މިގުޅުންތައް ބަދަހިވެ ފުންވި ވަރަކަށް އެބައެއްގެ އިޖްތިމާއީ ފޭރާން ވަރުގަދަވާނެ ކަމަށާއި، މުޖުތަމައު މީހުންގެ ގުޅުންތައް ހީނަރުވިވަރަކަށް އިޖްތިމާއީ ފޭރާން ބަލިވެ އިރައިގެން ދިއުން އަވަސްވާނެ ކަމަށެވެ.
މިނިސްޓަރު ވިދާޅުވީ, އިޖްތިމާއީ ފޭރާން ގަދަކުރެވޭނީ ރަށްރަށުގެ މީހުންގެ ގުޅުންތަކާއި މުއާމަލާތްތައް ގިނަކޮށްގެން ކަމަށާއި، މީހުންނާއި އެކުވެރިވާނެ ފުރުސަތުތައް ގިނަކޮށްގެން ކަމަށެވެ. އަދި ބޭނުންޖެހިފައިވާ މީހުންނަށް އެހީތެރިވާނެ ގޮތްތައް ހޯދައިދީގެން ކަމަށާއި، ރާއްޖޭގެ ރަށްތަކަކީ ހިތްފަހި ދިރިއުޅެން ހިތްގައިމު ތަނެއްގެ ގޮތުގައި ބޭއްވުމުގެ ރޫހު އާލާކޮށްގެން ކަމަށް މިނިސްޓަރު ވިދާޅުވިއެވެ. އަދި ވިދާޅުވީ މި ނަތީޖާ ނެރެވޭނީ ދިވެހި ބަހަށާއި، ޒަމާންވީ އާދަކާދަތަކަށް އައު ދިރުމެއް ގެނެސްގެން ކަމަށާއި، ދިވެހި ސަގާފަތްތައް ދިރުވައިގެން ކަމަށެވެ.
އެހެންކަމުން ކޮންމެ ކުއްޖެއްގެ އެންމެ ގައުމީ ވާޖިބު އިސްކޮށް، މުޖުތަމައުގެ ފޭރާން އުއިތައް ބަދަހިކޮށް ގާތްކޮށް ބެހެއްޓުމަށް މިނިސްޓަރު ގޮވާލެއްވިއެވެ.
