ލޯކަލް ގަވަރމަންޓް އޮތޯރިޓީ (އެލްޖީއޭ) ގެ ސީއީއޯ އަފްޝަން ލަތީފް އެ މަޤާމުން އިސްތިއުފާ ދެއްވަން ނިންމަވައިފިއެވެ.
މައުލޫމާތު ލިބިފައިވާ ގޮތުގައި އަފްޝަން މިހާރު ވަނީ އިސްތިއުފާގެ ސިޓީވެސް ރައީސުލްޖުމްހޫރިއްޔާގެ އޮފީހަށް ހުށައަޅުއްވާފައެވެ.
ސިޓީގައި އަފްޝަން ވަނީ 18 މެއި ވާ ބުރާސްފަތި ދުވަހުން ފެށިގެން މަޤާމުން ވަކިވާން ބޭނުންވާކަމަށް ވިދާޅުވެފައެވެ. އަފްޝަން ސިޓީ ހުށައެޅުއްވީ 14 މެއިގައެވެ.
އޭނާ ވަނީ ސިޓީ ކައުންސިލުތަކުގެ މެޔަރުންނާއި، އަތޮޅު އަދި ކައުންސިލުތަކުގެ ރައީސުންނަށްވެސް އެކަން އަންގަވައި ސިޓީ ފޮނުއްވާފައެވެ.
