އެލްޖީއޭގެ ސީއީއޯކަމުން އަފްޝަން އިސްތިއުފާ ދެއްވަނީ
15 މެއި 2023 | ހޯމަ 08:23އަފްޝަން ވަނީ 18 މެއި ވާ ބުރާސްފަތި ދުވަހުން ފެށިގެން މަޤާމުން ވަކިވާން ބޭނުންވާކަމަށް ވިދާޅުވެފައި
ލައިޝާ އަހްމަދު | 15 މެއި 2023 | ހޯމަ 08:23
އެލްޖީއޭގެ ޗީފް އެގްޒެކެޓިވް އޮފިސަރ ފާތިމަތު އަފްޝަން ލަތީފް
ލޯކަލް ގަވަރމަންޓް އޮތޯރިޓީ (އެލްޖީއޭ) ގެ ސީއީއޯ އަފްޝަން ލަތީފް އެ މަޤާމުން އިސްތިއުފާ ދެއްވަން ނިންމަވައިފިއެވެ.
މައުލޫމާތު ލިބިފައިވާ ގޮތުގައި އަފްޝަން މިހާރު ވަނީ އިސްތިއުފާގެ ސިޓީވެސް ރައީސުލްޖުމްހޫރިއްޔާގެ އޮފީހަށް ހުށައަޅުއްވާފައެވެ.
ސިޓީގައި އަފްޝަން ވަނީ 18 މެއި ވާ ބުރާސްފަތި ދުވަހުން ފެށިގެން މަޤާމުން ވަކިވާން ބޭނުންވާކަމަށް ވިދާޅުވެފައެވެ. އަފްޝަން ސިޓީ ހުށައެޅުއްވީ 14 މެއިގައެވެ.
އޭނާ ވަނީ ސިޓީ ކައުންސިލުތަކުގެ މެޔަރުންނާއި، އަތޮޅު އަދި ކައުންސިލުތަކުގެ ރައީސުންނަށްވެސް އެކަން އަންގަވައި ސިޓީ ފޮނުއްވާފައެވެ.
