އެލްޖީއޭގެ ސީއީއޯ މަގާމުން ޒުލްފާ ވަކިކޮށް، ފޮރިން މިނިސްޓްރީގެ ސްޓޭޓް މިނިސްޓަރުގެ މަގާމަށް ބަދަލުކޮށްފި
4 އޯގަސްޓު 2024 | އާދީއްތަ 15:42އެލްޖީއޭގެ ސީއީއޯގެ މަގާމުން ވަކިކުރި ސަބަބު އެނގިވަޑައިނުގަންނަވާ
ނޫސްވެރިންގެ ބައްދަލުވުމެއްގައި ޑރ. މަރިޔަމް ޒުލްފާ ވާހަކަދައްކަވަނީ
ލޯކަލް ގަވަމަންޓް އޮތޯރިޓީ (އެލްޖީއޭ)ގެ ސީއީއޯގެ މަގާމުން ޑރ. މަރިޔަމް ޒުލްފާ ވަކިކޮށް، ފޮރިންގ މިނިސްޓްރީގެ ސްޓޭޓް މިނިސްޓަރުގެ މަގާމަށް ބަދަލުކޮށްފިއެވެ.
ރާއްޖެއެމްވީއަށް ޒުލްފާ ވަނީ މިކަން ކަށަވަރުކޮށްދެއްވާފައެވެ.
ޒުލްފާ ވިދާޅުވީ އެލްޖީއޭގެ ސީއީއޯގެ މަގާމުން ވަކިކުރި ސަބަބު އެނގިވަޑައިނުގަންނަވާ ކަމަށެވެ. ނަމަވެސް ރައީސް ޑރ.މުހައްމަދު މުއިއްޒުގެ ނިންމެވުމަށް އިހުތިރާމް ކުރައްވާނެ ކަމަށާއި، ގައުމަށް ޚިދުމަތް ކުރެއްވުމުގައި ދެމިހުންނަވާނެ ކަމަށް އޭނާ ވިދާޅުވިއެވެ.
އެލްޖީއޭގެ ސީއީއޯގެ މަގާމަށް މ. ވައިނުޖެހޭގެ، ޑރ. ޒުލްފާ އައްޔަންކުރެއްވީ 26 ޑިސެންބަރު 2023 ގައެވެ. ޒުލްފާއަކީ ކުރީގެ ރައީސް މުހައްމަދު ނަޝީދުގެ ވެރިކަމުގައި ޓޫރިޒަމް މިނިސްޓަރު ކަން ކުރެއްވި ބޭފުޅެކެވެ.
ޒުލްފާ ކުރިން ހުންނެވީ އެމްޑީޕީގައެވެ. ނަމަވެސް ރައީސް މުއިއްޒު ރިޔާސީ އިންތިޚާބު ކާމިޔާބު ކުރެއްވިފަހުން ޕީއެންސީއާ ޒުލްފާ ގުޅިވަޑައިގަތެވެ.
