ހިލޭ ޑިގްރީއަށް ކިޔަވަމުން ގޮސް މަޤްބޫލު އުޒުރެއް ނެތި ހުއްޓާލައިފިނަމަ އެ ފައިސާ އަނބުރާ މިނިސްޓްރީއަށް ދައްކަންޖެހޭ
12 މެއި 2023 | ހުކުރު 07:47ދަރިވަރު އެ ފައިސާ މިނިސްޓްރީއަށް އަނބުރާ ދައްކަންޖެހޭނެ ޙާލަތްތައް ވަނީ ބަޔާންކޮށްފައި
ފުލްޓައިމް ދަރިވަރަކަށްވުމަކީ ވެސް ފުރަތަމަ ޑިގްރީ ސްކީމްގެ އުސޫލުގެ ދަށުން ކިޔަވާ ދަރިވަރުންގެ ހުންނަންޖެހޭ ޝަރުތެއް
ފުރަތަމަ ޑިގްރީ ސްކީމްގެ އުސޫލަށް އަމަލުކުރަން ފަށައިފިއެވެ.
މި އުސޫލަކ،ީ ސަރުކާރުގެ ޚަރަދުގައި ފުރަތަމަ ޑިގްރީއަށް ކިޔަވައިދިނުން ރައީސުލްޖުމްހޫރިއްޔާގެ ރިޔާސީ ވަޢުދުތަކުގެ ތެރޭގައި ހިމެނުމާ ގުޅިގެނ،ް އެ ފެންވަރަށް ދިވެހިރާއްޖޭގައި ސަރުކާރުގެ ޚަރަދުގައި ކިޔަވައިދިނުމުގެ ކަންކަން ހިންގާނެގޮތް ބަޔާންކުރާ އުސޫލެވެ. އެގޮތުން މި އުސޫލުގެ މަގުސަދަކ،ީ ދިވެހިރާއްޖޭގައި ފުރަތަމަ ޑިގްރީއަށް ކިޔެވުމަށް ސަރުކާރުން ޚަރަދު ކުރުމުގެ ކަންތައްތައް ފަސޭހަކަމާއި ހަމަހަމަކަމާއި އިންސާފުވެރިކަމާއެކު ތަންފީޛުކުރުމެވެ.
މި އުސޫލުގައިވާ ގޮތަށް ކިޔެވޭނެ ދަރިވަރުންގެ ޝަރުޠުތަކަށް ބަލާއިރު، 13 ޝަރުތެއް ވަނީ ބަޔާންކޮށްފައެވެ.
އުސޫލުގައި ބުނެފައިވާ ގޮތުގައި ސަރުކާރުގެ ޚަރަދުގައި ރާއްޖެއިން ނުވަތަ ރާއްޖެއިން ބޭރުން ވިޔަސް ފުރަތަމަ ޑިގްރީ ނުވަތަ އެއަށްވުރެ މަތީ ފެންވަރުގެ ސަނަދެއް ލިބޭ ޕްރޮގްރާމެއް ފަށައި، މަޤްބޫލު ސަބަބެއް މެދުވެރިވެގެން މެނުވީ ކިޔެވުން ހުއްޓައިލައިފައި ނުވުމަކީ ޝަރުތެކެވެ.
އަދި މި އުސޫލުގައިވާ ގޮތުގެ މަތީން ފައިސާ ލިބިގެން ކިޔެވުމުގެ ފުރުޞަތު އެއްފަހަރު ލިބ،ި ކިޔަވަން ފެށި ޕްރޮގްރާމް މަޤުބޫލު އުޒުރެއްނެތި ފުރިހަމަ ނުކޮށް ހުއްޓައިލައިފައިވާ ދަރިވަރެއް ކަމުގައިނުވުން ވެސް ވަނީ ޝަރުތުކޮށްފައެވެ.
އޭގެ އިތުރުން، ފުލްޓައިމް ދަރިވަރަކަށްވުމަކީ ވެސް ފުރަތަމަ ޑިގްރީ ސްކީމްގެ އުސޫލުގެ ދަށުން ކިޔަވާ ދަރިވަރުންގެ ހުންނަންޖެހޭ ޝަރުތެކެވެ.
މި އުސޫލުގެ ދަށުން ކިޔަވާ ޕްރޮގްރާމަކީ މޯލްޑިވްސް ކޮލިފިކޭޝަންސް އޮތޯރިޓީނ،ް މޯލްޑިވްސް ނޭޝަނަލް ކޮލިފިކޭޝަންސް ފްރޭމްވާރކުގެ ލެވެލް 7 ގެ ޕްރޮގްރާމެއްކަމަށް ގަބޫލުކުރާ ޕްރޮގްރާމަކަށް ވާން ޖެހެއެވެ.
އޭގެ އިތުރުން، ދަރިވަރަށް ދޫކުރާ ފައިސާ ޖަމާކުރާނ،ީ ދިވެހިރާއްޖޭގައި ހުޅުވައިފައިވާ ބޭންކެއްގައ،ި ދަރިވަރުގެ ނަމުގައި އޮންނަ ދިވެހި ރުފިޔާ އެކައުންޓަކަށެވެ. އެގޮތުގެ މަތިން ފައިސާ ޖަމާކުރާނ،ީ ދަރިވަރުގެ އެކަޑެމިކް އަހަރަކަށް 2 ފަހަރު މަތިންނެވެ.
އޭގެ އިތުރުން، ދަރިވަރަށް ފުރަތަމަ ފަހަރު ފައިސާ ދޫކުރުމަށްފަހ،ު ދެން ކޮންމެ ފަހަރަކު ފައިސާ ދޫކުރާނ،ީ އެންމެފަހުން ދޫކުރި ފައިސ،ާ ކިޔަވައިދޭ މަރުކަޒަށް ދެއްކިކަމުގެ ރަސީދު މިނިސްޓްރީއަށް ހުށަހެޅުމުންނެވެ.
މި އުސޫލުގައިވާ ގޮތަށް ފައިސާ ލިބިގެން ކިޔަވަމުންދާ ދަރިވަރަކު ކިޔަވަމުންދާ ޕްރޮގްރާމް ބަދަލު ކުރެވޭނީ އެންމެ ފަހަރަކުއެެވެ. މިގޮތުން ޕްރޮގްރާމް ބަދަލުކުރަންވާނީ މިނިސްޓްރީގެ ހުއްދަ ލިޔުމަކުން ލިބިގެން ވަކި ޙާލަތްތަކެއްގައެވެ.
އުސޫލުގެ ދަށުން ފައިސާ ދޫކުރުން ހުއްޓައިލާނެ ހާލަތްތައްވެސް ވަނީ ބަޔާންކޮށްފައެވެ. އޭގެ ތެރޭގައި ކިޔަވަމުންދާ ޕްރޮގްރާމް ނުވަތަ މަރުކަޒު މިނިސްޓްރީގެ ހުއްދަނެތި ބަދަލުކުރުމާއި، ކިޔަވައިދޭ މަރުކަޒުން ޕްރޮގްރާމް ހިންގުން ހުއްޓައިލުމާއި، ދަރިވަރުގެ ކިޔެވުން ދަރިވަރު އަމިއްލައަށް ހުއްޓައިލުމާއި، ކިޔަވަމުންދާ ޕްރޮގްރާމުން ދަރިވަރު ވަކިކުރުމާއި، މި އުސޫލުގައި ބަޔާންކޮށްފައިވާ ގޮތަށް ދަރިވަރު ޢަމަލު ނުކުރުން ހިމެނެއެވެ.
އޭގެ އިތުރުން، މަޤްބޫލު އުޒުރަކާ ނުލައި ޕްރޮގްރާމް ފުރިހަމަނުކޮށް ހުއްޓައިލުމާއި، ދަރިވަރު ޕްރޮގްރާމުން ފެއިލްވެއްޖެކަމަށް މަރުކަޒުން ކަނޑައެޅުމާއި، ފުރަތަމަ ޑިގްރީއަކަށްވުރެ ދަށް ސަނަދަކާއެކު ދަރިވަރު ޕްރޮގްރާމުން ވަކިވުން ފަދަ ކަންކަމަކީ ދަރިވަރު އެ ފައިސާ މިނިސްޓްރީއަށް އަނބުރާ ދައްކަންޖެހޭނެ ޙާލަތްތަކެވެ.
