ފ. އަތޮޅު ވިއްކާ ނުލުމަށް ލިޔެފައިހުރި ލިޔުންތަކެއް ފުލުހުން ގޮސް ފުހެލައިފި
ފުލުހުން ދަނީ އެރަށުގައި ތަހުގީގެއްވެސް ހިންގަމުން
ފ އަތޮޅު ވިއްކާލުމާ ދެކޮޅަށް ބިލެތްފަހީގައި ލިޔެފައިވާ ލިޔުންތައް ފުލުހުން ފުހެނީ
ށ އަތޮޅު ބިލެތްފަހީގައި ފ އަތޮޅު ވިއްކާ ނުލުމަށް ގޮވާލާ ލިޔެފައިވާ ލިޔުންތަކެއް ފުލުހުން ގޮސް ފިލުވާލައިފިއެވެ.
ރާއްޖެ އެމްވީއަށް މައުލޫމާތުދިން, މަންޒަރު ދުށް ބިލެތްފަހީ މީހަކު ބުނީ އެރަށުގެ ޒުވާނުން ފުޓްބޯޅަ ބެލުމަށް ހަދާފައިވާ ފިނިއައްޓެއްގަ އާއި ކަރަންޓް ބޯޑެއްގައި ބަޔަކު ލިޔެފައި ހުރި ލިޔުމެއް ފުލުހުން ގޮސް ދަވާދުން ފިލުވާލާފައިވާ ކަމަށެވެ.
އޭނާ ބުނީ އެލިޔުމުގައި ވަނީ ފ އަތޮޅު ވިއްކާ ނުލުމަށް ގޮވާލާފައި ކަމަށެވެ.
ރަށުގެ ކައުންސިލް މެމްބަރެއް ކަމުގައިވާ ހަސަން ޒަރީރު ވިދާޅުވީ ފުލުހުން އެރަށަށް ގޮސް އުޅޭ ކަމަށާއި އެރަށު ބޯޅަގޭ (މެޗް ބަލާ ފިނިއަށީ)ގައި ފ އަތޮޅު ވިއްކާލުމާ ދެކޮޅު ކަމަށް ލިޔެފައިވާ ލިޔުމެއް ފުލުހުން ފިލުވާފައިވާ ކަމަށެވެ.
ކައުންސިލަރު ވިދާޅުވީ ބައެއް މީހުން ގެންގޮސް ސުވާލު ކުރަމުން ގެންދާ ކަމަށާއި ސުވާލު ކުރަނީ ފ އަތޮޅު ވިއްކާލުމާ ގުޅޭގޮތުން ފޭސްބުކްގައި ކޮށްފައި ހުންނަ ކޮމެންޓްތަކާ ގުޅޭ ގޮތުން ކަމަށް އެފަދަ ބައެއް މީހުން ހިއްސާ ކުރިކަމަށެވެ.
ފ. އަތޮޅު ވިއްކާލުމާ ދެކޮޅަށް މުޅި ރާއްޖޭގައި އަޑު އުފުލަމުންދާއިރު، ސައުދީ ރަސްގެފާނަށް ވެސް ފާޑުކިޔުންތައް ދަނީ އޮއްސަމުންނެވެ.
