ހަމަޖެހިލައިގެން ކުޅެ ގްރީން އަތުން ސަސްއަށް ފަސޭހަ މޮޅެއް

ސީޒަންގައި ފުރަތަމަ މެޗަށް ނުކުތް ކްލަބް ގްރީން ސްޓްރިޓްސް އަތުން ފަސޭހައިން މޮޅުވެ, ސުޕަރ ޔުނައިޓެޑް ސްޕޯރޓްސް (ސަސް) އިން މޮޅަކުން ލީގު ފަށައިފިއެވެ.

ދިވެހި ޕްރިމިއަރ ލީގުގައި ގްރީން އަތުން ސަސް މޮޅުވީ 5-1 ނެވެ. ހަމަޖެހިލައިގެން ކުޅުނު މެޗުގައި ސަސްއިން ޖެހި ފަސް ލަނޑުގެ ތެރެއިން ދެ ލަނޑު ޖެހީ މުޙައްމަދު ނިޒާމްއެވެ. ފުރަތަމަ ލަނޑު ޖަހާ ކުރިހޯދައިދިނީވެސް އޭނާއެވެ. މެޗުގައި ދެން ސަސްއަށް ލަނޑުތައް ޖަހައިދިނީ އަހުމަދު އައިހަމްއާއި އަލީ ނަސޫހު ރަޝީދުއާއި އަހުނަފް ރަޝީދުއެވެ. ފުރަތަމަ ހާފްގައި ސަސްއިން ތިން ލަނޑު ޖެހިއެވެ. އަދި ލަނޑު ޖަހާނެ އިތުރު ފުރުޞަތުތައްވެސް ހޯދިއެވެ. ސަސްއިން ފަސް ލަނޑު ޖެހިފަހުން 88 ވަނަ މިނެޓުގައި ގްރީން ސްޓްރީޓްސްގެ ހަމައެކަނި ލަނޑު ޖެހީ އަބްދުالله އަނޫސްއެވެ.

ތައްޔާރުނުވެވޭތީ ސީޒަންގެ ފުރަތަމަ މުބާރާތުގައި ގްރީން ވާދައެއް ނުކުރެއެވެ. އަދި ލީގަށް ނުކުތީވެސް އެކަށީގެންވާ ގޮތެއްގައި ތައްޔާރުނުވެއެވެ. ލީގުގައި ސަސްއަށް ކުރިއަށް އޮންނާނީ ޔުނައިޓެޑް ވިކްޓްރީއާ ވާދަކުރާ މެޗެވެ. ގްރީންގެ ދެވަނަ މެޗުގައި ވާދަކުރާނީ ޗެމްޕިއަން މާޒިޔާއާއެވެ. އެ ދެ މެޗު ކުޅޭނީ އަންނަ ހޮނިހިރު ދުވަހު ހަވީރާއި ރޭގަނޑެވެ.