ސަސް ތިން ވަނަ ޑިވިޝަން އަށް ރެލިގޭޓުކޮށް، ބޮޑު ޖޫރިމަނާއެއް
ސަސް އިން ފުރަތަމަ ޑިވިޝަން އިން ޖާގަ ހޯދީ 2019 ވަނަ އަހަރު އެވެ. އޭގެ ކުރިން އެ ކުލަބުން ވަނީ ތިން ވަނަ ޑިވިޝަން އަދި ދެ ވަނަ ޑިވިޝަންގައި ވެސް ކުޅެފަ އެެވެ.
ދިވެހި ޕްރިމިއަރ ލީގުގައި ސަސް އިން ކުޅުނު މެޗެއްގެ ތެރެއިން
ފުރަތަމަ ޑިވިޝަން އިން ވަކިވާން ނިންމި، ސުޕަ ޔުނައިޓެޑު ސްޕޯޓްސް (ސަސް) ތިން ވަނަ ޑިވިޝަން އަށް ރެލިގޭޓުކޮށް، ބޮޑު އަދަދަކުން ޖޫރިމަނާ ކުރުމަށް ނިންމައިފި އެވެ.
ސަސް އިން ވަނީ އެ ކުލަބު ފުރަތަމަ ޑިވިޝަން އިން ވަކިވާން ނިންމާފައިވާކަން އެފްއޭއެމް އަށް އަންގައިފަ އެވެ. ސަސްގެ ހިންގާ ކޮމެޓީ އިން އެ ނިންމުން ނިންމީ، އެ ކުލަބުގެ މާލީ ޙާލަތު ވަރަށް ބޮޑަށް ދަށްވެ. ފުރަތަަމަ ޑިވިޝަންގައި ވާދަ ކުރެވެެން ނެތުމުންނެވެ.
އެފްއޭއެމްގެ ހިންގާ ކޮމެޓީ އިން އާދީއްތަ ދުވަހު ބޭއްވި ބައްދަލުވުމުގައި ވަނީ ދިވެހި ޕްރިމިއަރ ލީގުގެ ޤަވާއިދުގެ ދަށުން ސަސް 200،000 (ދެ ލައްކަ) ރުފިުޔާ އިން ޖޫރިމަނާ ކޮށްފަ އެވެ. އަދި އެފްއޭއެމްގެ ހިންގާ ކޮމެޓީ އަށް ލިބިދޭ ބާރުގެ ދަށުން ސަސް ވަނީ ތިން ވަނަ ޑިވިޝަން އަށް ރެލިގޭޓު ކޮށްފަ އެވެ.
ސަސް އިން ފުރަތަމަ ޑިވިޝަން އިން ޖާގަ ހޯދީ 2019 ވަނަ އަހަރު އެވެ. އޭގެ ކުރިން އެ ކުލަބުން ވަނީ ތިން ވަނަ ޑިވިޝަން އަދި ދެ ވަނަ ޑިވިޝަންގައި ވެސް ކުޅެފަ އެެވެ.
