މާލޭގެ ގެއެއްގައި އަލިފާނުގެ ހާދިސާއެއް ހިނގައިފި
7 މެއި 2023 | އާދީއްތަ 02:03ހާދިސާ ހިނގާފައިވަނީ މއ.ބޯގަންވިލާ ގޭގެ ދެވަނަ ފަންގިފިލާގައި
އެމްއެންޑީއެފް ފަޔަރ ލޮރީ
މާލޭގެ ގެއެއްގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނީ ހޮނިހިރު ދުވަހުގެރޭ 23:29 ގައި މާލޭގެ ގެއެއްގައި އަލިފާނުގެ ހާދިސާއެއް ހިނގައިގެން ރިޕޯޓުކޮށްފައިވާކަމަށެވެ.
މި ހާދިސާ ހިނގާފައިވަނީ މއ.ބޯގަންވިލާ ގޭގެ ދެވަނަ ފަންގިފިލާގައި ކަމަށް އެމްއެންޑީއެފުން ބުނެއެވެ. ހާދިސާގެ ރިޕޯޓު ލިބުމާއެކު އެމްއެންޑީއެފް ފަޔަރ އެންޑް ރެސްކިއުއިން ހަރަކާތްތެރިވެފައިވާކަމަށް އެމްއެންޑީއެފުން ބުނެއެވެ.
މި އަލިފާންގަނޑު ކޮންޓްރޯލްކޮށްފައިވާ ކަމަށާއި، މި ހާދިސާގައި އެއްވެސް މީހަކަށް އަނިޔާއެއް ވެފައިނުވާކަމަށް އެމްއެންޑީއެފުން ބުނެފައިވެއެވެ.
މައުލޫމާތުލިބޭގޮތުގައި އަލިފާނުގެ ހާދިސާ ހިނގާފައިވަނީ އިކޮނޮމިކް މިނިސްޓަރުގެ ފައްޔާޒް އިސްމާއިލްގެ އުފަން ގެކޮޅުގައެވެ.
