ލާޒިއޯ އިން ސަސުއޯލޯ ބަލިކުރުމުން, އިޓާލިއަން ސެރީ އޭގެ ޗެމްޕިއަންކަން ކަށަވަރުކުރަން ނަޕޯލީން ކުރާ އިންތިޒާރު އަނެއްކާވެސް ދިގުލައިފިއެވެ.

ލީގު ތާވަލްގެ ދެވަނާގައި އޮތް ލާޒިއޯއިން ސަސުއޯލީ ބަލިކުރީ 2-0 ނެވެ. ފުރަތަމަ ހާފްގެ ކުރީކޮޅު ލާޒިއޯއަށް ލީޑް ނަގައިދިނީ ފެލިޕެ އެންޑަރސަންއެވެ. ލީޑު ފުޅާކުރީ މެޗުގެ އިތުރު ވަގުތުގައި ބޭސިކްއެވެ. މިމޮޅާއެކު ލާޒިއޯ އިން ވަނީ 33 މެޗުން 64 ޕޮއިންޓް ހޯދާފައެވެ. ލީގު ކަށަވަރުކުރުމާ ގާތުގައިވާ ނަޕޯލީއަށް 32 މެޗުން 79 ޕޮއިންޓް ވަނީ ލިބިފައެވެ. 33 ވަނަ މެޗުގައި ބުރާސްފަތި ދުވަހު އުދިނޭޒީ ބަލިކޮށްގެން ނަޕޯލީއަށް ލީގު ޗެމްޕިއަންކަން ކަށަވަރުކުރެވޭނެއެވެ.

މީގެކުރިން ނަޕޯލީން ލީގު ޗެމްޕިއަންކަން ހޯދާފައިވަނީ 1987 ވަނަ އަހަރާއި 1990 ވަނަ އަހަރެވެ. އެހެންކަމުން ނަޕޯލީއަށް ލީގު މި ލިބެނީ 33 އަހަރަށް ފަހުއެވެ.