އަޝްރަފް ހަކީމީ ގަތުމަށް ޔުނައިޓެޑުން 60 މިލިއަން ދޭން ތައްޔާރު

ޕީއެސްޖީ އަށް ކުޅެމުން އަންނަ މޮރޮކޯގެ ޑިފެންޑަރު އަޝްރަފް ހަކީމީ ގަތުމަށް މެންޗެސްޓާ ޔުނައިޓެޑުން 60 މިލިއަން ޑޮލަރު ހުށަހަޅަން ތައްޔާރުވެއްޖެއެވެ.

ހަކީމީ އަކީ ޔުނައިޓެޑް ވަރުގަދަ ކުރުމަށް ކޯޗު އެރިކް ޓެންހަގް އެންމެ ގަޔާވާ އެއް ކަނާތުބެކެވެ.

ހަކީމީ ޕީއެސްޖީއާ އެކު ހަދާފައިވާ ކޮންޓްރެކްޓް ހަމަވާނީ 2026ގަ އެވެ. ނަމަވެސް ޕީއެސްޖީގެ މުސާރައަށް ކުރާ ހޭދަތައް ކުޑަކުރުމަށް ބައެއް ކުޅުންތެރިން ވިއްކާލަން ޖެހޭއިރު ހަކީމީ އަކީ އެލިސްޓުގައި ހިމެނުން އެކަށީގެންވާ ކުޅުންތެރިއެއް ކަމަށް ޔުނައިޓެޑުން ދަނީ އުއްމީދު ކުރަމުންނެވެ.

އަނެއްކޮޅުން އިޓަލީ އާއި ސްޕޭނުގައި ވެސް ކުޅެވިފައިވާތީވެ ޕްރެމިއާ ލީގުގައި ކުޅެން ހަކީމީ ވެސް ހުރީ ބޭނުންވެފަ އެވެ. އަދި އޭނާ އަށް ހަފުތާއަކު 215000 ޕައުންޑްގެ މުސާރައެއްދިނުމަށް މެންޗެސްޓާ ޔުނައިޓެޑްގެ އެއްވެސް މައްސަލައެއްނެތެވެ.