އިންޑިޔާގައި އަނެއްކާވެސް ކޮވިޑް ފެތުރެނީ

އިންޑިޔާގައި އަނެއްކާވެސް ކޮވިޑް19 ބަލި ވަރަށް ބާރަށް ފެތުރެމުންދާކަމަށް ޚަބަރު ލިބެއެވެ. އެގައުމުގައި މިހާތަނަށް ކޮވިޑް ޖެހުނު މީހުންގެ އަދަދު ވަނީ 44.9 މިލިއަނަށް އަރާފައެވެ. އަދި ހުކުރުދުވަހާ ހަމައަށް ހިނގި 24 ގަޑިއިރުތެރޭގައި އިތުރު 7،533 މީހުންނަށް ބަލި ޖެހިފައިވާކަމަށް ހަބަރުތައް ބުނެއެވެ.

ޔޫނިއަން ހެލްތު މިނިސްޓްރީން މައުލޫމާތު ދީފައިވާގޮތުގައި ހުކުރުދުވަހާ ހަމައަށް އިންޑިޔާގައި އެކްޓިވް ކޭސްގެ ގޮތުގައި ތިބި ބަލި މީހުންގެ އަދަދަކީ 53،582 އެވެ. ހުކުރުދުވަހު އަޕްޑޭޓްކޮށްފައިވާ އެމިނިސްޓްރީގެ ހިސާބުތައް ދައްކާގޮތުން ކޮވިޑް ޖެހިގެން 5،31،468 މީހުން މަރުވެފައިވެއެވެ. އެކްޓިވް ކޭސްގެ ނިސްބަތަކީ 0.12 އިންސައްތައެވެ. ބަލި ޖެހޭ މީހުން ގިނަ ނަމަވެސް، ދެވޭ ވެކްސިންގެ އަދަދުވެސް ވަނީ އިތުރުކޮށްފައެވެ. މިގޮތުން 220 ކްރޯޑް ވެކްސިން ޑޯޒް މިހާތަނަށް ޖަހާފައިވާކަމަށްވެއެވެ.

ވަކިވަކި ސްޓޭޓްތަކަށް ބަލާއިރު؛ ވެރިރަށް ދިއްލީގައި, ބުރާސްފަތިދުވަހު އެކަނި 865 ކޭސް ރިޕޯޓްކޮށްފައިވެއެވެ. ބުދަ ބުރާސްފަތި ދެ ދުވަހުވެސް ދުވާލަކު 7 މަރު ރިޕޯޓްކޮށްފައިވެއެވެ. ދިއްލީގައި މިހާތަނަށް ބަލި ޖެހުނު މީހުންގެ އަދަދުވަނީ 20،37،061ށް އަރާފައެވެ. ދިއްލީން މަރުވި މީހުންގެ އަދަދަކީ 26،620ވެ. ބުރާސްފަތިދުވަހާ ހަމަޔަށް ދިއްލީގައި ތިބި އެކްޓިވް ކޭހުގެ އަދަދަކީ 4،279އެވެ. އޭގެތެރެއިން 3،143 މީހުން ތިބީ އަމިއްލަ ގޭގައި އެކަހެރިކޮށްފައެވެ.

އިންޑިޔާގައި އަލުން ކޮވިޑް ފެތުރެން ފަށާފައިވާއިރު، ވެރިރަށް ދިއްލީގެ ހޮސްޕިޓަލްތައް މިކަމަށް ތައްޔާރުވެފައިވާވަރު ބެލުމަށް އެޕްރިލް 11 ވަނަ ދުވަހު ވަނީ މޮކް ޑްރިލްތަކެއްވެސް ބާއްވާފައެވެ. ސިއްހީ އޮފިޝަލުން ވިދާޅުވާގޮތުގައި މިހާރު ބަލިފެތުރެން ފަށާފައިވަނީ ކޮވިޑް 19 ސަބްވޭރިއަންޓްގެ ސަބަބުން ކަމަށް ވުމީ އެކަށީގެންވާ ކަމެކެވެ.

ކޮވިޑް 19 ފެށިގެން އައިފަހުން، ފުރަތަމަ ފަހަރަށް ޖެނުއަރީ 16 ވަނަ ދުވަހު އެއްވެސް ކޭހެއް ރިޕޯޓްކޮށްފައެއް ނުވެއެވެ. ނަމަވެސް ފާއިތުވި މަހެއްހާ ދުވަހު މިވަނީ އަނެއްކާވެސް ރިޕޯޓްކުރެވޭ ކޭސްތައް އިތުރުވާން ފަށާފައެވެ.