ހިންމަފުށީ ގޮނޑުދޮށުގައި އޮތް ދެ ލޯންޗެއްގައި އަލިފާން ރޯވެ، ބޭނުން ނުކުރެވޭ ވަރަށް އަނދައިފި
20 އެޕްރީލު 2023 | ބުރާސްފަތި 16:28ދެ ލޯންޗުވެސް ވަނީ ބޭނުން ނުކުރެވޭވަރަށް އަނދާފައި
ލޯންޗުގައި އަލިފާން ރޯވެފައި | ސޯޝަލްމީޑިއާ
ކ. ހިންމަފުށީ ގޮނޑުދޮށުގައި އޮތް ދެ ލޯންޗެއްގައި އަލިފާން ރޯވެ، ބޭނުން ނުކުރެވޭވަރަށް އަނދައިފިއެވެ.
ފުލުހުން ބުނީ, ބުރާސްފަތި ދުވަހު އިރުއޮއްސި 6:35ހާއިރު, ހިންމަފުށީގައި އެހެލާފައިވާ ލޯންޗެއްގައި އަލިފާން ރޯވެފައިވާކަމުގެ މައުލޫމާތު ލިބިފައިވާކަމަށެވެ. މިހާދިސާގައި އަލިފާން ރޯވި ލޯންޗާ ޖެހިގެން އޮތް އެހެން ލޯންޗެއްގައިވެސް އަލިފާން ހިފައި ދެ ލޯންޗުވެސް ވަނީ ބޭނުން ކުރެވޭވަރަށް އަނދާފައިކަމަށް ފުލުހުން ބުނެއެވެ.
މިހާދިސާގައި އެއްވެސް މީހަކަށް ގެއްލުމެއް ނުލިބެއެވެ.
ލޯންޗްގައި ރޯވި އަލިފާންގަނޑު މިހާރު ވަނީ ނިއްވާލާފައެވެ. މިހާދިސާ ހިނގަން މެދުވެރި ސަބަބެއް ކަމާބެހޭ އެއްވެސް އިދާރާއަކުން އަދި ހާމަކޮށްފައެއްނުވެއެވެ.
މިހާދިސާ ފުލުހުން ދަނީ ތަހުގީގު ކުރަމުންނެވެ.
