ކަރަންޓް އިގްތިޞާދުކުރުމަށް ސްޓެލްކޯއިން އިލްތިމާސްކޮށްފި
18 އެޕްރީލު 2023 | އަންގާރަ 17:42ސްޓެލްކޯގެ ތަފާސްހިސާބުތައް ދައްކާގޮތުން އެހެން ދުވަސްވަރާއި ޚިލާފަށް މިދުވަސްވަރު ރޭގަނޑު ވަގުތުތަކުގައިވެސް ކަރަންޓް އުފައްދަންޖެހޭ މިންވަރު އިތުރު
ސްޓެލްކޯ
އޭޕްރީލް އަދި މެއި މަހަކީ މިއަހަރު ރާއްޖެއަށް އެންމެ ހޫނު ގަދަވާނެ ދުވަސްވަރުކަމަށް ކަމާބެހޭ އިދާރާތަކުން ލަފާކޮށްފައިވާތީ ކަރަންޓު އިގްތިޞާދުކުރުމަށް ޚާއްސަ ސަމާލުކަމެއް ދިނުމަށް ސްޓެލްކޯއިން އިލްތިމާސްކޮށްފިއެވެ.
ކަސްޓަމަރުންނަށް ފޮނުވި މެސެޖެއްގައި އެ ކުންފުނިން ބުނީ ކަރަންޓު އިސްރާފުވިޔަ ނުދީ، ކޮންމެހެން ބޭނުންވާ މިންވަރަށް ކަރަންޓު ބޭނުންކުރުމަށެވެ. ސްޓެލްކޯއިން ބުނީ އެކުންފުނީގެ ތަފާސްހިސާބުތައް ދައްކާގޮތުން އެހެން ދުވަސްވަރާއި ޚިލާފަށް މިދުވަސްވަރު ޖައްވު ހޫނުވުމުގެ ސަބަބުން ރޭގަނޑު ވަގުތުތަކުގައިވެސް ކަރަންޓް އުފައްދަންޖެހޭ މިންވަރު ވަނީ އިތުރުވެފައެވެ.
ކޮންމެ އަހަރެއްގެ ވެސް ހޫނު ގަދަ ދުވަސްވަރު ކަރަންޓު ބިލް ވަރަށް ބޮޑުވެގެންދެއެވެ. އެހެންކަމުން އެކަމުގެ ޝަކުވާތައްވެސް އާންމުންކުރެއެވެ.
ކަރަންޓު ބިލު ބޮޑުވުމަށް އޮތް ހައްލަކީ ބޭކާރު ގޮތުގައި ބޭނުން ކުރާ ކަރަންޓުގެ މިންވަރު ދަށް ކުރުމެވެ.
