ބައްޕަ ފަހަތުން ޓެންޑުލްކަރުގެ ދަރިފުޅު ވެސް ދަނޑަށް

މުޅި ދުނިޔޭގެ ސަމާލުކަން ހޯދި މަޝްހޫރު ކްރިކެޓް ކުޅުންތެރިޔާ ސަޗިން ޓެންޑުލްކަރުގެ ދަރިފުޅު އަރުޖުން ޓެންޑުލްކަރު ވެސް އެންމެ މަތީ ފަންތީގެ ކްރިކެޓް ކުޅެން ފަށައިފި އެވެ.

އޭނާގެ ފެށުން އައީ އިންޑިއަން ޕްރެމިއާ ލީގުގައި ކޮލްކަޓާ ނައިޓް ރައިޑާސް އަތުން މުމްބާއީ އިންޑިއަން މޮޅުވި މެޗުގަ އެވެ. އަރުޖުން ވަނީ ދެ އޯވަރުގެ ތެރޭގައި 17 ލަނޑު ހަދައިފަ އެވެ. މުމްބާއީ އިންޑިއަން އަކީ އޭނާގެ ބައްޕަ ވެސް ކުޅެމުން އަންނަ ކުލަބެވެ. އަދި މިއީ އިންޑިއަން ޕްރެމިއާ ލީގުގައި ބައްޕަ އާއި ދަރިފުޅު ފެނިގެންދާ ފުރަތަމަ ފަހަރެވެ.

ޓެންޑުލްކަރަކީ އިންޑިޔާ އަށް ވޯލްޑްކަޕް ކާމިޔާބުކޮށްދިން މުހިންމު ކުޅުންތެރިއެކެވެ. އަދި އޭނާ އަކީ އިންޑިޔާ އަށް 100 ސެންޗަރީ ހަމަކޮށްދިން ކުޅަދާން ބެޓްސްމަނެވެ. އުމުރުން 49 އަހަރު ކުރީގެ ކުޅުންތެރިޔާ ރަސްމީކޮށް ކްރިކެޓް ކުޅުން ހުއްޓާލީ 2013 ވަނަ އަހަރު އެވެ.

އުމުރުން 23 އަހަރުގެ އޭނާގެ ދަރިފުޅުގެ ފުރަތަމަ މެޗަށް ފަހު ޓެންޑުލްކަރު ބުނެފައިވަނީ މިހެންނެވެ.

ޓެންޑުލްކަރު ބުނީ މިހިސާބަށް އައުމަށް އަރުޖުން ވަނީ ވަރަށް ބުރަކޮށް މަސައްކަތްކޮށްފައި ކަމަށާއި އަދި މިއީ ފެށުމެއް ކަމަށެވެ.