ކ. މާލެ
|
17 އޭޕްރިލް 2023 | ހޯމަ 12:29
ޓެންޑުލްކަރު އާއި ދަރިފުޅު އަރުޖުން
ޓެންޑުލްކަރު އާއި ދަރިފުޅު އަރުޖުން
ބީބީސީ
ކްރިކެޓް
ބައްޕަ ފަހަތުން ޓެންޑުލްކަރުގެ ދަރިފުޅު ވެސް ދަނޑަށް
 
ފުރަތަމަ މެޗުގައި އަރުޖުން ވަނީ 17 ލަނޑު ހަދާފައި

މުޅި ދުނިޔޭގެ ސަމާލުކަން ހޯދި މަޝްހޫރު ކްރިކެޓް ކުޅުންތެރިޔާ ސަޗިން ޓެންޑުލްކަރުގެ ދަރިފުޅު އަރުޖުން ޓެންޑުލްކަރު ވެސް އެންމެ މަތީ ފަންތީގެ ކްރިކެޓް ކުޅެން ފަށައިފި އެވެ.

އޭނާގެ ފެށުން އައީ އިންޑިއަން ޕްރެމިއާ ލީގުގައި ކޮލްކަޓާ ނައިޓް ރައިޑާސް އަތުން މުމްބާއީ އިންޑިއަން މޮޅުވި މެޗުގަ އެވެ. އަރުޖުން ވަނީ ދެ އޯވަރުގެ ތެރޭގައި 17 ލަނޑު ހަދައިފަ އެވެ. މުމްބާއީ އިންޑިއަން އަކީ އޭނާގެ ބައްޕަ ވެސް ކުޅެމުން އަންނަ ކުލަބެވެ. އަދި މިއީ އިންޑިއަން ޕްރެމިއާ ލީގުގައި ބައްޕަ އާއި ދަރިފުޅު ފެނިގެންދާ ފުރަތަމަ ފަހަރެވެ.

ޓެންޑުލްކަރަކީ އިންޑިޔާ އަށް ވޯލްޑްކަޕް ކާމިޔާބުކޮށްދިން މުހިންމު ކުޅުންތެރިއެކެވެ. އަދި އޭނާ އަކީ އިންޑިޔާ އަށް 100 ސެންޗަރީ ހަމަކޮށްދިން ކުޅަދާން ބެޓްސްމަނެވެ. އުމުރުން 49 އަހަރު ކުރީގެ ކުޅުންތެރިޔާ ރަސްމީކޮށް ކްރިކެޓް ކުޅުން ހުއްޓާލީ 2013 ވަނަ އަހަރު އެވެ.

އުމުރުން 23 އަހަރުގެ އޭނާގެ ދަރިފުޅުގެ ފުރަތަމަ މެޗަށް ފަހު ޓެންޑުލްކަރު ބުނެފައިވަނީ މިހެންނެވެ.

މިއަދަކީ އަރުޖުން އޭނާގެ ކްރިކެޓް ހަޔާތުގައި ކުރި އަށް އެޅި މުހިންމު ފިޔަވަޅެއް. ލޯބިވާ ބައްޕައެއްގެ ހައިސިއްޔަތުން އަދި ކްރިކެޓަށް ލޯބިކުރާ މީހެއްގެ ގޮތުން އަހަރެން ޔަގީންކުރަން ކްރިކެޓަށް އިހްތިރާމް ދޭން ކަމަށް. އަދި އޭގެ ބަދަލެއްގެ ގޮތުން މިކުޅިވަރު ކަލޭދެކެ ލޯބިވާނެ
ޓެންޑުލްކަރު

ޓެންޑުލްކަރު ބުނީ މިހިސާބަށް އައުމަށް އަރުޖުން ވަނީ ވަރަށް ބުރަކޮށް މަސައްކަތްކޮށްފައި ކަމަށާއި އަދި މިއީ ފެށުމެއް ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
100%
0%
0%
ކޮމެންޓް