ފެރިދޫއިން ފަތުރުވެރިކަމާއި ގުޅޭ މަސައްކަތް ކުރުމަށް 30 އަހަރުގެ މުއްދަތަށް ބިމެއް ކުއްޔަށް ދެނީ
ކުއްޔަށް ދޫކުރަނީ 8030 އަކަފޫޓުގެ ބިމެއް
އއ. ފެރިދޫ
އއ.ފެރިދޫއިން ފަތުރުވެރިކަމާއި ގުޅޭ މަސައްކަތް ކުރުމަށް 8030 އަކަފޫޓުގެ ބިމެއް 30 އަހަރުގެ މުއްދަތަށް ކުއްޔަށް ދޫކުރުމަށް ނިންމައިފިއެވެ.
ފެރިދޫ ކައުންސިލުން ބުނީ ކައުންސިލްގެ ރަޖިސްޓްރީގެ ދަށުގައިވާ ރައްވެހިގެ ބިމުން (އިރުމަތިން ) 8030 އަކަފޫޓުގެ ބިން ފަތުރުވެރިކަމާއި ގުޅޭ މަސައްކަތްތައް ކުރުމަށް 30 އަހަރު ދުވަހުގެ މުއްދަތަކަށް ކުއްޔަށް ދިނުމަށް ބޭނުންވާ ކަމަށެވެ. މިކަމަށް ޝައުގުވެރިވާ ފަރާތްތަކުން އޭޕްރިލް 27 ވާ ބުދަ ދުވަހު 13:00 ގެ ކުރިން ބިޑްފޮތް ގަތުމަށް އެދިފައިވެއެވެ.
މި ބީލަމުގައި ބައިވެރިވެވޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓުގައި ވިޔަފާރި ރަޖިސްޓްރީކޮށްފައިވާ ފަރާތްތަކަށެވެ.
މި ބީލަމާއި ގުޅޭގޮތުން ބީލަން ވެރިންނަށް މައުލޫމާތު ދިނުން އޮންނާނީ 2023 މެއި 03 ވަނަ ދުވަހުގެ 13:15 ގައި ކައުންސިލްގެ އިދާރާގައެވެ.
ކައުންސިލުން ބުނީ ބީލަން ބަލައިގަތުމާއި ބީލަން ހުޅުވުން އޮންނާނީ 2023 މެއި 30 ވަނަ ދުވަހުގެ 13:15 ގައި ކައުންސިލްގެ އިދާރާގައި ނުވަތަ އެކަންކުރުމަށް ކައުންސިލްގެ އިދާރާއިން ކަނޑައަޅައި، ދުރާލާ އާންމުކޮށް އަންގާ އެޑްރެހެއްގައި ކަމަށެވެ. އަދި ބިޑު ހުށަހެޅޭނީ ގަންނަ ކޮންމެ ބިޑު ފޮތަކަށް 1 ބިޑެވެ. ގަޑިޖެހުމަށްފަހު ހުށަހަޅާ ބީލަންތަކާއި، އީމެއިލް ފެކްސްގެ ޒަރީއާއިން ފޮނުވާ ބީލަންތައް ބަލައިނުގަނެވޭނެ ކަމަށް ކައުންސިލުން ބުނެއެވެ.
