ދަނޑުވެރިކަމަށް ފަޅު ރަށްތައް ދޫކުރުން ވަގުތީގޮތުން މެދުކަނޑާލައިފި
12 އެޕްރީލު 2023 | ބުދަ 07:59ފަޅު ރަށްރަށް ކުއްޔަށް ދިނުމާ ބެހޭ ގަވާއިދަށް މީގެ ކުރިން ވެސް ވަނީ އިސްލާހުތަކެއް ގެނެސްފައި
ދަނޑުބިން
ފަޅު ރަށްތައް ކުއްޔަށް ދިނުން ވަގުތީ ގޮތުން މެދުކަނޑާލައިފިއެވެ.
އެކަން ހާމަކޮށް އެގްރިކަލްޗަ މިނިސްޓްރީން އާއްމު ކުރި އިޢުލާނެއްގައި ބުނެފައި ވަނީ ފަޅު ރަށްތައް ކުއްޔަށް ދިނުން މަޑުޖައްސާލާފައި ވަނީ ގަވާއިދު އިސްލާހުކުރުމުގެ މަސައްކަތް ކުރިއަށް ދާތީ ކަމަށެވެ. އެ ވުޒާރާއިން ބުނި ގޮތުގައި އިސްލާހުކުރަމުން ދަނީ ފަޅު ރަށް ކުއްޔަށް ދިނުމާ ބެހޭ ގަވާއިދެވެ. އެ މިނިސްޓްރީން ވަނީ ފަޅު ރަށްރަށް ކުއްޔަށް ދޫކުރުމާއި، އެކަމަށް އެދި ހުށަހަޅާ ހުށަހެޅުންތައް ބަލައިގަތުން މަޑުޖައްސާލަން ވަނީ ނިންމާފައެވެ.
ފަޅު ރަށްރަށް ކުއްޔަށް ދިނުމާ ބެހޭ ގަވައިދަށް މީގެ ކުރިން ވެސް ވަނީ އިސްލާހުތަކެއް ގެނެސްފައެވެ. ފަޅު ރަށްރަށް ކުއްޔަށް ދިނުމާ ބެހޭ ގަވާއިދަށް އަމަކުރަން ފެށީ 2020 ވަނަ އަހަރެވެ.
