އެފްއޭއެމް ވެޓަރެންސް ލީގުގައި ހުއްރިއްޔާ ވެޓަރެންސްއާއި ޕޮލިސް ކްލަބް ވާދަކުރި މެޗު އެއްވަރުވެއްޖެއެވެ.

ހުއްރިއްޔާގެ ފުރަތަމަ މެޗުވެސް ނިމުނީ އެއްވަރުވެގެންނެވެ. ފުރަތަމަ މެޗުގައި ލަނޑެއް ނުޖެހި ސޮކަރ މޭޓްސްއާ އެއްވަރުވިޔަސް ދެވަނަ މެޗުގައި ޕޮލިހާ ވާދަކޮށް އެއްވަރުވީ 1-1 ނެވެ. މެޗުގައި ފުރަތަމަ ލަނޑުޖަހާ ހުރައަށް ކުރި ހޯދައިދިނީ އަހުމަދު ސަމާއުއެވެ. ޕޮލިސް ކްލަބަށް މެޗުން ޕޮއިންޓެއް ހޯދައިދިނީ އަބްދުالله އިބްރާހީމް މަނިކު ޖެހި ލަނޑުންނެވެ. މެޗުގެ މޮޅު ކުޅުންތެރިއަކީ ހުރައަށް ލަނޑުޖަހައިދިން ސަމާއުއެވެ.

ޕޮލިސް ކްލަބް ވަނީ ފުރަތަމަ މެޗުގައި 1-0 ން ގްރީން ސްޓްރީޓްސް ބަލިކޮށްފައެވެ. ސޮކަރ މޭޓްސް ވަނީ ދެވަނަ މެޗުގައި 3-0 ން ގްރީން ބަލިކޮށްފައެވެ. ގޯލްގެ ތަފާތުން ގްރޫޕްގެ އެއްވަނާގައި އޮތީ ސޮކަރ މޭޓްސްއެވެ. ދެވަނާގައި އޮތީ ޕޮލިސް ކްލަބެވެ. ހުއްރިއްޔާ އޮތީ ދެ ޕޮއިންޓާއެކު ތިންވަނާގައެވެ. ގްރީންއަށް ދެ މެޗުން ޕޮއިންޓެއް ނުލިބެއެވެ.