"ރަންތާޖު" ޤުރުއާން މުބާރާތުގެ ގަދަ 11ގެ ބައިވެރިންނަށް ލިއޯ ޓްރޭޑިންގގެ ފަރާތުން ރޯދަވީއްލުމެއް
9 އެޕްރީލު 2023 | އާދީއްތަ 00:11މުބާރާތް އިންތިޒާމުކުރާ ބައެއް ފަރާތްތަކުގެ އިތުރުން، ލިއޯ ޓްރޭޑިންގގެ އިސްވެރިން ބައިވެރިވެވަޑައިގެންފައިވޭ
ތަންތާޖު ޤުރުއާން މުބާރާތުގެ ބައިވެރިންނަށް ލިއޯ ޓްރޭޑިންގގެ ފަރާތުން ދިން ރޯދަވީއްލުން
ރާއްޖޭގައި މިހާތަނަށް ބާއްވާ އެންމެ އަގުބޮޑު ޤުރުއާން މުބާރާތް ކަމަށްވާ "ރަންތާޖު" ޤުރުއާން މުބާރާތުގެ ހަތަރުވަނަ ބުރަށް ދަތުރުކުރި ބައިވެރިންނަށް ލިއޯ ޓްރޭޑިންގގެ ފަރާތުން ޚާއްޞަ ރޯދަވީއްލުމެއް ދީފިއެވެ.
ރާއްޖޭގެ ޓްރޭޑިންގ އަދި ލޮޖިސްޓިކް ދާއިރާގައި އެންމެ ބޮޑު އެއް ކުންފުނި ކަމަށްވާ ލިއޯ ޓްރޭޑިންގގެ ފަރާތުން ރަންތާޖުގެ ބައިވެރިންނަށް މި ރޯދަވީއްލުން ދީފައިވަނީ ހޮނިހިރު ދުވަހު ކްރޮސް ރޯޑްސް މޯލްޑިވްސްގައި ހުންނަ "ކަޅު އޮޑި ރެސްޓޯރަންޓް"ގައެވެ. މި ރޯދަ ވީއްލުމުގެ ހުރިހާ އިންތިޒާމެއްވެސް ވަރަށް ފުރިހަމައެވެ.
މިި ރޯދަވީއްލުމުގައި "ރަންތާޖު" ޤުރުއާން މުބާރާތުގެ ހަތަރުވަނަ ބުރަށް ދަތުރުކުރާ 11 ބައިވެރިންނާއި، މުބާރާތް އިންތިޒާމުކުރާ ބައެއް ފަރާތްތަކުގެ އިތުރުން، ލިއޯ ޓްރޭޑިންގގެ އިސްވެރިން ބައިވެރިވެވަޑައިގެންފައިވެއެވެ.
ރަންތާޖު ޤުރުއާން މުބާރާތަކީ ރާއްޖެ ޓީވީ، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް، އަދި އިސްލާމިކް މިނިސްޓްރީ ގުޅިގެން ކުރިއަށްގެންދާ މުބާރާތެކެވެ.
ރާއްޖެ ޓީވީން މި މުބާރާތް ގެނެސްދޭނީ ރަމަޟާންމަހުގެ ކޮންމެ ހުކުރު ދުވަހެއްގެ ރޭ 9:30ގައެވެ. މި މުބާރާތުގެ ފަނޑިޔާރުންނަކީ އަލްޤާރީ އިބްރާހީމް ޝިފާއުއާއި އަލްޤާރީ މުޙައްމަދު ތައުފީޤާއި އަލްޤާރީ ޢަބްދުލް ވާޙިދު ޢަބްދުﷲ، އަދި އައްޝައިޚް ނަޞްރުﷲ ޢަލީއެވެ.
6 އެޕިސޯޑަށް ކުރިއަށްގެންދާ މި މުބާރާތަކީ އަގުހުރި އިނާމުތަކަކާއެކު ކުރިއަށްގެންދާ ޕްރޮގްރާމެކެވެ. އެގޮތުން މުބާރާތުގެ އެއްވަނައަށް ދާ ފަރާތަކަށް 3 ލައްކަ ރުފިޔާ، ދެވަނައަށް ދާ ފަރާތަކަށް 1 ލައްކަ ރުފިޔާ، އަދި ތިންވަނައަށް ދާ ފަރާތަކަށް 75000 ރުފިޔާ ލިބޭނެއެވެ.
