ޑަބްލިޔުޓީއެމް އެފްރިކާގައި އެމްއެމްޕީއާރްސީން ބައިވެރިވެއްޖެ

ޑަބްލިޔުޓީއެމް އެފްރިކާގައި މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން( އެމްއެމްޕީއާރްސީ)ން ބައިވެރިވެއްޖެއެވެ.

އެމްއެމްޕީއާރުސީން 13 ކުންފުންޏަކުން 21 މަންދޫބުން ޑަބްލިޔުޓީއެމް އެފްރިކާގައި ބައިވެރިވެފައިވާއިރު މި ފެއަރ ކުރިއަށްދަނީ އޭޕްރިލް 3ން 5ގެ ނިޔަލަށް ދެކުނު އެފްރިކާގެ ކޭޕް ޓައުންގައެވެ.

އެމްއެމްޕީއާރުސީން ބުނީ މި ފެއަރގައި ބައިވެރިވުމުން އެފްރިކާ މާކެޓުގައި ދިވެހިރާއްޖޭގެ ބްރޭންޑް ހަރުދަނާކޮށް، ޓްރެވަލް ޓްރޭޑާ ގުޅުން ބަދަހިކޮށް، ދިވެހިރާއްޖޭގެ ފަރުތުރުވެރިކަމުގެ އެންމެ ފަހުގެ އަޕްޑޭޓްތަކާއި މައުލޫމާތު ފޯރުކޮށްދިނުމަށް ފުރުސަތު ލިބޭ ކަމަށެވެ.

މި ފެއަރގައި އެމްއެމްޕީއާރުސީ އާއި އިންޑަސްޓްރީ ޕާޓްނަރުން ދިވެހިރާއްޖޭގެ ފަތުރުވެރިކަމުގެ ޕްރޮޑަކްޓްތަކާއި ތަޖުރިބާތަކާއި ސެގްމެންޓްތައް އިޝްތިހާރުކުރާނެއެވެ. މި ފެއަރގެ ސަބަބުން ދެކުނު އެފްރިކާ މާކެޓާއި ދިވެހިރާއްޖޭގެ ފަތުރުވެރިކަމުގެ ދާއިރާއާ ދެމެދު އޮންނަ ގުޅުން ހަރުދަނާކުރުމަށް ފުރުސަތު ލިބިގެންދާނެއެވެ.

ފާއިތުވެދިޔަ އަހަރުތަކުގައި މި މާކެޓުން ދިވެހިރާއްޖެއަށް ޒިޔާރަތްކުރާ ފަރުތުވެރިންގެ އަދަދު ދަނީ އިތުރުވަމުންނެވެ. އެގޮތުން މާރޗް 25ގެ ނިޔަލަށް ދެކުނު އެފްރިކާ އިން 1،917 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ.