10 ކިލޯ މީޓަރު ދުވުމުގެ އަންހެނުންގެ ރެކޯޑް ޝަމްހާ އަހުމަދު އަނެއްކާވެސް އާކޮށްފިއެވެ.

އޭނާއަތުގައި އޮތް ރެކޯޑް އާކުރީ ނެދަލެންޑްސްގެ ވެންލޫފް މެރަތަންގައި ވާދަކޮށްގެންނެވެ. އެރޭހުގައި ވާދަކޮށް ޝަމްހާ ރޭސް ނިންމީ 39:34 ސިކުންތުން ރޭސް ނިންމައިގެންނެވެ. ކުރީގެ ރެކޯޑަކީ 40:39 ސިކުންތެވެ. 40 އަހަރުގެ ޝަމްހާ ވަނީ ނެދަލެންޑްސްގައި އޭނާ ވާދަކުރި ރޭހުގެ ކެޓަގަރީން އެއްވަނަ ހޯދާފައެވެ. ރޭހަށްފަހު ޝަމްހާ ބުނެފައިވަނީ މޫސުން ރަނގަޅު ނުވުމުން އުނދަގޫތަކެއްވެސް ކުރިމަތިވިކަމަށެވެ.

ޖަރުމަނުގައި ދިރިއުޅޭ ޝަމްހާގެ ކޯޗަކީ ނަސްރުالله އަހުމަދު (ނަސްރު)އެވެ. ރޭހަށްފަހު ޝަމްހާ ވަނީ ކޯޗު ނަސްރުއަށް ޝުކުރު އަދާކޮށްފައެވެ. އުމުރުން ދޮށީނަމަވެސް ޝަމްހާ އަންނަނީ ދުވުމުގައި އަވަސްް ބޮޑަތި ކުރިއެރުންތަކެއް ހޯދަމުންނެވެ.