އެމެރިކާގެ މިސިސިޕީއަށް އައި ބާރުގަދަ ތޫފާނެއްގައި މަރުވި މީހުންގެ އަދަދު 23ށް އަރައިފިއެވެ.
ހުކުރު ދުވަހުގެރޭ އެރި މި ތޫފާނުގެ އަސަރު ގިނަ ބަޔަކަށް ކޮށްފައިވާއިރު، މަރުވި މީހުންނާއި ގެއްލުނު މީހުންގެ އަދަދު އިތުރުވާނެކަމަށް ކަމާބެހޭ ފަރާތްތަކުން އަންދާޒާ ކުރެއެވެ.
ތޫފާނުގެ ސަބަބުން މިސިސިޕީގެ ގިނަ ސަރަޙައްދުތަކުން ވަނީ ކަރަންޓު ކަނޑައިގެން ގޮސްފައެވެ.
އެ ޤައުމުގެ މޫސުމާބެހޭ އިދާރާއިން ވަނީ ތޫފާނުގެ އަސަރު އިތުރަށް ކުރާނެކަމަށް އަންދާޒާކޮށްފައެވެ.
ތޫފާނުގެ އަސަރު ކުރި ސަރަޙައްދުތަކުގައި ސާޗް އެންޑް ރެސްކިއު ޓީމުތައް ދަނީ ހަރަކާތްތެރިވަމުންނެވެ.
