ވޯލް ސްޓްރީޓް ޖާނަލްއާ ދެކޮޅަށް، 10 ބިލިއަން ޑޮލަރުގެ މައްސަލައެއް ޓްރަމްޕް ހުށަހަޅުއްވައިފި
ޖާނަލްގެ ރިޕޯޓުގައި ބުނެފައި ވަނީ 2003 ވަނަ އަހަރު އެޕްސްޓީންގެ އުފަންދުވަހު ފޮނުވި މެސެޖެއްގައި ޖިންސީ ގޮތުން އިޝާރާތް ކޮށްފައިވާ ކުރެހުމަކާ އެކު، ޑޮނަލްޑް ޓްރަމްޕްގެ ސޮއި ހިމަނާފައިވާ ކަމަށެވެ.
އެމެރިކާގެ ރައީސް ޑޮނަލްޑް ޓްރަމްޕް
އެމެރިކާގެ ވޯލް ސްޓްރީޓް ޖާނަލްއާ ދެކޮޅަށް، އެ ޤައުމުގެ ރައީސް ޑޮނަލްޑް ޓްރަމްޕް 10 ބިލިއަން އެމެރިކާ ޑޮލަރުގެ މައްސަލައެއް ހުށަހަޅުއްވައިިފި އެވެ.
އެމެރިކާގެ ރިޔާސީ ދެ ވަނަ ދައުރެއް ފުރުއްވަމުން ގެންދަވާ ޓްރަމްޕް ވަނީ، ވޯލް ސްްޓްރީޓް ޖާނަލް، ރޫޕާޓް މަރްޑޯކް ހިމެނޭ ގޮތަށް، އެ ޖާނަލްގެ ވެރިންނާ ދެކޮޅަށް މަދު ވެގެން 10 ބިލިއަން އެމެރިކާ ޑޮލަރުގެ ދައުވާ އެއް ކޮށްފަ އެވެ. އެ މައްސަލަ އަކީ 2003 ވަނަ އަހަރު ޖެފްރީ އެޕްސްޓީންގެ އުފަން ދުވަހުގެ ތަހުނިޔާ މެސެޖެއް ފޮނުވިއިރު ޓްރަމްޕްގެ ނަން އަދި ސޮއި ހިމަނާފައިވާ ކަމަށް ބުނެ ކޮށްފައިވާ ރިޕޯޓަކާ ގުޅިގެން ހުށަހަޅާފައިވާ ދައުވާ އެކެވެ.
އެމެރިކާގެ މިއާމީގެ ފެޑަރަލް ކޯޓަށް ހުށަހަޅާގައިވާ ދައުވާގައި މަރްޑޯކް، ޑައު ޖޯންސް، ނިއުސް ކޯޕަރޭޝަން އަދި އެ ކުންފުނީގެ އެކްޒެކްޓިކް ރޮބާޓް ތޯމްސަންގެ އިތުރުން، ވޯލް ސްޓްރީޓް ޖާނަލްގެ ދެ ރިޕޯޓަރުންނަކީ ދައުވާ ލިބޭ ބައެއްގެ ގޮތުގައި ވަނީ ފާހަގަ ކޮށްފަ އެވެ. އެ އެ މީހުން ޓްރަމްޕްގެ އަބުުރު ކަތިލައި، އަބުރު ގެއްލޭ ގޮތަށް ބޮޑެތި ގެއްލުންތަކެއް ދިނުމުގެ އިތުރުން، މާލީ ގޮތުން ގެއްލުން ތަކެއް ކުރިމަތި ކޮށްފައިވާ ބައެއް ކަމަށް ވަނީ ބުނެފަ އެވެ.
ޖާނަލްގެ ރިޕޯޓުގައި ބުނެފައި ވަނީ 2003 ވަނަ އަހަރު އެޕްސްޓީންގެ އުފަންދުވަހު ފޮނުވި މެސެޖެއްގައި ޖިންސީ ގޮތުން އިޝާރާތް ކޮށްފައިވާ ކުރެހުމަކާ އެކު، ޑޮނަލްޑް ޓްރަމްޕްގެ ސޮއި ހިމަނާފައިވާ ކަމަށެވެ. އެކަމާ ގުޅިގެން ޓްރަމްޕް ވިދާޅުވެފައި ވަނީ، އެ މެސެޖު ވަނީ ނުރަނގަޅު ގޮތެއްގައި ބޭނުން ކޮށްފައި ކަމަށެވެ.
ޑައު ޖޯންސްގެ ފަރާތުން ބުނެފައި ވަނީ، އެ ރިޕޯޓުގެ ޞައްޙަކަމާ މެދު ފުރިހަމަ ޔަގީންކަން އޮތް ކަމަށާއި، އެ މައްސަލައިގައި ވަރުގަދަ އަށް ދިފާއު ވާނެ ކަމަށެވެ. އަދި އެ މައްސަލައިގައި ކާމިޔާބު ހޯދުމަށްޓަކައި، ޖާނަލްގެ ފަރާތުން އެ ރިޕޯޓަކީ ދޮގެއްކަން އެނގި ތިބެ، ނުވަތަ އެ ރިޕޯޓުގެ ޞައްޙަކަން ޔަގީން ނުކޮށް ޝާއިއު ކުރިކަމަށް ޓްރަމްޕްގެ ފަރާތުން ސާބިތު ކޮށްދޭން ޖެހޭނެ އެވެ.
ޖިންސީ ކުށްތަކާ ގުޅިގެން އޭނާ ނިއު ޔޯކް ޖަލެއްގައި ހުއްޓައި، 2019 ވަނަ އަހަރު ވަނީ އަމިއްލަ އަށް މަރުވެފަ އެވެ. ޓްރަމްޕް ވިދާޅުވެފައި ވަނީ، 2006 ވަނަ އަހަރު އެޕްސްޓީންގެ ޤާނޫނީ މައްސަލަތައް ފެންމަތިވެ، އޭނާ ކުށްވެރިވުމުގެ ކުރިން އޭނާއާ އޮތް ގުޅުން ނިމުމަކަށް ގެނެސް، ގުޅުން ކަނޑާލާފައިވާ ކަމަށެވެ.
