ކްރިސްޕީ ޗިކަން ޑޯނަޓް ވިތު ޗީޒް ގާލިކް ސޯސް

އާންމުކޮށް އަޑު އިވެނީ ޑޯނަޓަކީ ފޮނި ކާއެއްޗެއް ގޮތަށެވެ. ނަމަވެސް މި ފަހަރު ތައްޔާރުކޮށްލަށް މިއުޅެނީ ޗިކަން ޑޯނަޓެވެ.

ފުރަތަމަ ފިޔާ، ގްރީން އޮނިއަންސް، އަލުވި، އަސޭމިރުސް، ޕާން ކުނޑި، ކުކުޅު އަދި ލޮނު އަޅައިގެން މިކްސަރުން މުގުރާލާށެވެ. ދެން ޓްރޭއެއްގެ ތެރޭގައި ޑޯނަޓް ބައްޓަމަށް ހަދާލުމަށްފަހު، ފްރިޖްގައި އެއްގަޑިއިރު ބަހައްޓާށެވެ. ދެން ތެއްޔެއްގައި ބަޓަރާއި، ހަކުރު، މަޔޮނައިޒް، މިލްކް އަދި ޗީޒް އަޅައިގެން މަޑު ގިނީގައި ހޫނުކޮށްލާށެވެ. ޗީޒްތައް އެއްކޮށް މެލްޓްވުމުން އިރުކޮޅަކު ކައްކާލާށެވެ. ދެން ކުރިން ފްރިޖްކުރި ޑޯނަޓްތައް ކަޓްލަސް ތައްޔާރުކުރާހެން، ކޯން ފްލާރގައި ރަގަޅަށް ހާކާލުމަށްފަހު، ބިސް ހޭކުމަށްފަހު، ޕާން ކުނޑީގައި ހާކާފައި، ތެލުލާށެވެ. ދެން ޗީޒް ގާލިކް ސޯސް ޖަހައިގެން ކާލާށެވެ.