ޖުޑީޝަލް ޑައިލޮގުގައި ބައިވެރިވެވަޑައިގެންނެވި ލަންކާގެ ފަނޑިޔާރުން، އުއްތަމަ ފަނޑިޔާރާ ބައްދަލުކުރައްވައިފި
ދެ ގައުމުގެ ޖުޑީޝަރީގެ މަސައްކަތްތައް ރޭވިފައިވާ ގޮތާ ގުޅޭގޮތުން މަޝްވަރާކުރެއްވި
ލަންކާގެ ފަނޑިޔާރުން އުއްތަމަ ފަނޑިޔާރާ ބައްދަލުކުރެއްވުން
އިންޓަރނޭޝަނަލް ކޮމިޝަން އޮފް ޖޫރިސްޓްސް (އައިސީޖޭ)އާއި ދިވެހިރާއްޖޭގެ ޖުޑީޝަރީ ގުޅިގެން ކުރިއަށް ގެންދިޔަ ޖުޑީޝަލް ޑައިލޮގްގައި ބައިވެރިވެވަޑައިގެންނެވި ސްރީލަންކާގެ ފަނޑިޔާރުން، ދިވެހިރާއްޖޭގެ އުއްތަމަ ފަނޑިޔާރު އަލްއުސްތާޒު އަހުމަދު މުއުތަސިމް އަދުނާނާ ބައްދަލުކުރައްވައިފިއެވެ.
"ރީޖަނަލް ކޮންސަލްޓޭޝަން އޮން ދަ އެޑަޕްޝަން އޮފް ދަ ބެންކޮކް ޖެނެރަލް ގައިޑަންސް ފޮރ ޖަޖަސް އޮން އެޕްލައިންގ އަ ޖެންޑަރ ޕަރސްޕެކްޓިވް އިން ސައުތު އެންޑް ސައުތުއީސްޓް އޭޝިއާ"ގެ ނަމުގައި ކުރިއަށްގެންދިޔަ މި ޖުޑީޝަލް ޑައިލޮގުގައި ބައިވެރިވެވަޑައިގެންނެވުމަށް ލަންކާގެ ގިނަ އަދަދެއްގެ ފަނޑިޔާރުން ވަނީ ރާއްޖެ ވަޑައިގެންފައެވެ.
މި ޓީމުގައި ސްރީލަންކާ ސުޕްރީމް ކޯޓުގެ ފަނޑިޔާރު އަދި ސްރީލަންކާ ޖަޖަސް އިންސްޓިޓިއުޓުގެ ޑިރެކްޓަރ ފަނޑިޔާރު އޮނަރަބަލް މަހިންދަ ސަމަޔަވަރްދެނާއާއި ސްރީލަންކާ ޖަޖަސް އިންސްޓިޓިއުޓުގެ އެކަޑަމިކް ކޯރޑިނޭޓަރ އަދި ޑިސްޓްރިކްޓް ޖަޖް އޮނަރަބަލް ގީތާނީ ވިޖޭސިންގްހައާއި ކޯޓް އޮފް އެޕީލްގެ ފަނޑިޔާރު އޮނަރަބަލް ޖަސްޓިސް ޑރ. ރުވާން ފަނާންޑޯއާއި ހައި ކޯޓުގެ ފަނޑިޔާރު އޮނަރަބަލް މިސިޒް އ.ޓ.ނ ފަނާންޑޯ ހިމެނިވަޑައިގަންނަވައެވެ.
މި ބައްދަލުވުމުގައި ފަނޑިޔާރު އާއިޝާ ޝުޖޫން މުހައްމަދާއި ފަނޑިޔާރު އަލްއުސްތާޒު މަހާޒު އަލީ ޒާހިރާއި ފަނޑިޔާރު އަލްއުސްތާޒު އަލީ ރަޝީދު ހުސައިން، އަދި ފަނޑިޔާރު ޑރ. މުހައްމަދު އިބްރާހީމް ބައިވެރިވެވަޑައިގެންނެވިއެވެ.
މި ބައްދަލުވުމުގައި ދެ ގައުމުގެ ޖުޑީޝަރީގެ މަސައްކަތްތައް ރޭވިފައިވާ ގޮތާ ގުޅޭގޮތުން މަޝްވަރާކުރެވިފައިވެއެވެ.
